En pasando un añu en [[Boston]] y [[Nueva York]], Schönberg foi [[profesor]] per dellos años, de primeres na Universidá del Sur de [[California]] y depués na Universidá de [[California]], en [[Los Angeles]]. En [[1940]] llogró la nacionalidá estauxunidense. Nos Estaos Xuníos, Schönberg completó dalgunos de los sos trabayos más conocíos, ente los que s'atopen el so Cuartetu de Cuerda Nᵘ 4 (1936), la musicalización pa la oración del Kol Nidre (1939), un Conciertu pa pianu (1942), según “Un supervivientesobreviviente en Varsovia” (1947) para [[orador]], coru masculín y [[orquesta]], que trata sobre les esperiencies d'un home nel guetu de Varsovia. Tamién escribe nesta dómina cuatro libros teóricos: ''Models for Beginners in Composition'' (Modelos pa Primerizos en Composición, 1943), ''Structural Functions of Harmony'' (Funciones estructurales d'harmonía, 1954), ''Preliminary Exercises in Counterpoint'' (Exercicios preliminares de contrapuntu, 1963) y Fundamentals ''of Musical Composition'' (Fundamentos de la Composición Musical, 1967). De 1948 a 1950 caltuvo discrepancies con [[Thomas Mann]] sobre la novela d'esti postreru ''[[Doktor Faustus]]'', na que s'aludía a la [[música dodecafónica]]. Cola muerte de Schönberg, el 13 de xunetu de 1951, quedaron inconclusas trés de les sos obres de conteníu relixoso, específicamente la cantata [[La escalera de Jacob]], la ópera ''Moisés y Aarón'' y el ciclu Salmos Modernos. Sicasí, Moisés y Aarón llogró un gran ésitu al representase en dos actos. La dramática confrontación ente profeta y sacerdote constitúi unu de los trabayos más espresivos de la obra de Schönberg.
El 14 de setiembre de [[1949]] recibió'l certificáu de ciudadanía de la so ciudá natal, Viena. Finó en [[1951]] por cuenta de una afección cardiaca, depués de sufrir un ataque al corazón en [[1946]].
