Diferencies ente revisiones de «Alfabetu manual»

 

Otru monxu español, contemporaneu de Sánchez de Yebra, [[fray Pedro Ponce de Lleón]] (''circa'' 1508-1584), tamién fixera usu d'un alfabetu manual pa educar a dellos neños sordos. L'espardimientu alcanzáu pol alfabetu manual de Sánchez de Yebra, sicasí, nun se debe a Ponce de Lleón, quien nun llegó a faer públicos los sos métodos de trabayu, sinón a un llibru publicáu en 1620 por otru español, [[Juan de Pablo Bonet]], que'l so títulu yera ''Reduction de les lletres y Arte pa enseñar á ablar los Mudos'' (editáu en Madrid, 1620). Pablo Bonet yera secretariu de la familia Fernández de Velasco (Condestables de Castiella), na que nacieron munchos renuevos sordos -por causa de la endogamia provocada polos frecuentes matrimonios ente parientes, realizaos pa caltener los mayoralgos (patrimonios) venceyaos a la familia- y pa dalgunos de los cualos había yá trabayáu Ponce de Lleón, mediu sieglu antes, como maestru.

 

Les fontes de Pablo Bonet, según los sos métodos de trabayu o inclusive la so mesma condición de maestru constitúin una tema bien revesosa. Según fontes antigües de dellos compatriotes sos ([[Nicolás Antonio]], [[frai Benitu Jerónimo Feijoo]], etc.), Pablo Bonet plaxara tolos sos saberes (ente ellos l'alfabetu manual) de Ponce de Lleón, de cuenta que munchos autores recién fáense ecu d'esta especie, y acusen a Pablo Bonet de plagiario (ver Pérez de Urbel 1973, Günther 1996, ente otros).