Diferencies ente revisiones de «Sociedá de Naciones»

[[Archivu:League of Nations Anachronous Map.PNG|thumb|right|300px|Mapa anacrónicu de la Sociedá de Naciones]]

La '''Sociedá de Naciones''' ('''SDN''') foi un organismu internacional que se creó, el [[28 de xunu]] de [[1919]], pol [[Tratáu de Versalles (1919)|tratáu de Versalles]] que punxo fin a la [[Primer Guerra Mundial]]. Foi la primer organización internacional que tuvo como misión principal el caltenimientu de la paz mundial<ref>Tomuschat, Christian. ''The United Nations at Age Fifty: A Legal Perspective'' ([[2005]]), p. 77.</ref>. Los sos oxetivos fundamentales, como se recueye nel pactu que-y dio nacencia, incluyíen la prevención de la guerra a través de la seguridá colectiva y el desarme de los países, y la resolución de les disputes internacionales al traviés de la negociación y l'arbitraxe<ref>Introducción del pactu fundacional de la Sociedá de Naciones (ver enllace al final del artículu).</ref>. Esti, y los trataos que-y siguieron, ocupábense tamién d'otres cuestiones como les condiciones llaborales, el tratu que se-yos daba a los habitantes nativos nos países colonizaos, el tráficu de persones y droga, el comerciu d'armas, la salú, el tratu a los prisioneros de guerra y la proteición de les minoríes n'[[Europa]]<ref>Pactu fundacional de la Sociedá de Naciones, artículu 23.</ref>. Nel so momentu de mayor expansión, ente'l [[28 de setiembre]] de [[1934]] y el [[23 de febreru]] de [[1935]], tuvo 58 miembros. La so sé taba en [[Xinebra]] ([[Suiza]]), y desaniciose formalmente'l [[18 d'abril]] de [[1946]], cuando se crearon les Naciones Xuníes.