Diferencies ente revisiones de «Sidra d'Asturies»
Contenido eliminado Contenido añadido
m igües Etiqueta: edición de fonte 2017 |
Etiqueta: edición de fonte 2017 |
||
Llinia 67:
Tres la [[Guerra Civil Española|Guerra Civil]] el sector de la sidre pudo caltenese en parte al raigañu del productu na rexón y a coincidir con un tiempu en que munchos plantíos recientes tuvieren nun puntu altu de rendimientu, amás de ser na práctica la única bébora accesible na rexón mientres los difíciles tiempos del conflictu. El sector hosteleru veríase afectáu en gran midida mientres la posguerra y nun se veríen tresformamientos nél hasta delles décades depués d'empecipiada la dictadura. Les sidreríes amosaríense resistentes a esti fechu y veríase una medra nel so númberu de mano a la crecedera poblacional asociáu al desendolcu industrial, abriendo negocios onde la muyer allegaría con mayor frecuencia cada vez.<ref name=":10" /><ref name=":3">{{Cita publicación|url=http://www.jstor.org/stable/26543256|título=La sociabilidad sidrera en Asturias durante el franquismo|apellidos=García Álvarez|nombre=Luis Benito|fecha=|publicación=Historia Social|número=92|páginas=47-62|fechaacceso=|issn=0214-2570|suscripción=sí}}</ref>
El chigre siguiría siendo un centru d'actividá política, agora clandestín, y llegóse a refugar la reapertura a propietarios con antecedentes políticos contrarios al réxime.<ref>{{Cita llibru|apellíu= González-Quirós Corujo|nome= Pedro|títulu= Alcohol y Alcoholismo en Asturias|editorial=Universidad de Oviedo}}</ref> Pocu camudaríen los chigres nos primeros años de la posguerra u entá s'usaba llargamente'l serrín nel suelu para'l ritual del escanciáu, el moblame yera escasu al ser el vezu tar de pie y l'ambiente pocu afayadízu.<ref name=":10" /> Sicasí, esistía una fuerte impronta obrera colos chigres convirtiendo estos austeros espacios en llugares para compartir y para elucubrar estratexes de resistencia énte la realidá llaboral y política de la dómina. Cola espansión de la ganadería y el prácticu monocultivu lácteu, la llegada de nueves bébores exótiques y de nueves formes d'ociu marcaríase una crisis a finales de los [[Década de 1960|años 60]] y principios de los [[Década de 1970|años 70]] para la Sidre d'Asturies al abandonase los plantíos de pumar que se convertíen entós n'inversiones pocu rentables por una nueva demanda de productos menos costosos na so fabricación o que nun riquirieren llabores oneroses como l'escanciáu. La reestructuración social y l'acelerada concentración empresarial de la dómina resultaría na desapaición de numberosos llagares pequeños, incapaces d'anovase teunolóxicamente pa poder competir nel mercáu. Pervivirá la Sidre d'Asturies nestes difíciles condiciones de la mano de los migrantes procedentes de les [[Cuenques Mineres|cuenques mineres]], quienes teníen un fuerte venceyu cola sidra, y colos provenientes del campu qu'al par d'una ameyora nos xornales atopaben más ufiertes d'ociu.<ref name=":3" />
Mientres el tardofranquismu los chigres yeren llugares pa les tertulies futboleres, anque yá yera frecuente topar sociedaes futboleres dende antes de la Guerra Civil, siendo delles peñes fundaes nestos llugares.<ref name=":10" /> Los chigreros apruyense de televisiones pa ufiertar retresmisiones de partíos y estos espacios foron los predileutos pa'l festexu de les vitories. Asina, magar la competencia d'otres alternatives d'ociu, los chigres pudieron caltenese como centros d'axuntanza al articular de manera satisfactoria cultura ya ociu.<ref name=":3" />
| |||