La aventura '''Odisea''' (en [[idioma griegu|griegu]]: Ὀδύσσεια, ''Ódýsseia'') ye un [[epopeya|poema épicu]] [[Grecia|griegu]] compuestu por 24 cantares, atribuyíu al poeta griegu [[Homero]]. Créese que s'escribió nel [[sieglu VIII e.C.]]., nos asentamientos que [[Grecia]] tenía na mariña oeste del [[Asia Menor]] (actual [[Turquía]] asiática). Según otros autores, la Odisea completóse nel [[sieglu VII e.C.]]. a partir de poemes que namái describíen partes de la obra actual. Orixinalmente escribióse no que se denomó ''dialeutu homéricu''. Cunta la vuelta a casa del héroe griegu [[Odiseo]] ('''''Ulises''''' en [[llatín]]) tres la [[Guerra de Troya]]. Odiseo tarda venti años en tornar a la islla d'[[Ítaca]], au tenía'l títulu de rei, periodu mientres el que'l so fíu [[Telémaco]] y la so esposa [[Penélope]] tienen de tolerar nel so palaciu a los pretendientes que busquen casala (darréu que yá creíen muertu a Odiseo), al empar que gastaben los bienes de la familia.
La meyor arma d'Odiseo ye la so ''mētis'' o astucia. Gracies a la so [[intelixencia]] —amás de l'ayuda provista por [[Atenea|Palas Atenea]], fía de [[Zeus]] Cronida— ye quien a escapar de los continuos problemes a los que tien d'enfrentase por caprichu de los dioses. Pa esto, camienta delles artimañes, bien seyan físiques —como por exemplu amarutándose— o con coraxoses y engañosos discursos de los que se sirvi p'algamar los sos oxetivos.
