Diferencies ente revisiones de «Autor»

1 byte amestáu ,  hai 5 meses
m
iguo plurales: el fundadores => los fundadores
m (iguo testu: legalmente => llegalmente)
m (iguo plurales: el fundadores => los fundadores)
El monxu franciscanu [[Bonaventura de Fidanza]] enlistó cuatro papeles que'l suxetu podía adoptar al escribir un llibru. El scriptor yera'l copista que nun amestaba nin camudaba nada; el compilator arrexuntaba pasaxes que la so autoría non pertenecía-y; dempués, el commentator podía amestar comentarios a testos que nun yeren propios; y, finalmente, taba'l auctor el cual escribía, de primeres, les sos pallabres y, de segundes, les d'otros, que yeren útiles pa confirmar les suyes. Bonaventura grada'l fechu de copiar, per un sitiu, y escribir (inventando), pol otru, ensin establecer oposición nes aiciones, como les concebiríamos anguaño.<ref>Bennett, Andrew, ''Op. cit''., p. 39.</ref>
 
A.J. Minnis considera otra acepción pal auctor medieval: l'autor, por especializase fondamente, tenía una identidá privilexada: tenía autoridá (auctoritas) y honor, la so autoridá podría llegar a considerase divina. Sicasí, estes dignidaes nun se-yos atribuyíen a los contemporaneos, sinón a los autores de l'Antigüedá clásica, por ser ellos fundadores de disciplines de conocencia. Nesta acepción, autor nun yera para quien escribía, sinón pa quien se debía lleer.<ref>Bennett, Andrew, ''Op. cit''., p. 40.</ref>
 
Los escritores vernáculos empezaron a deseyar ser reconocíos como autores. Pa selo tuvieron de demostrar gran elocuencia, y, poro, fueron lleíos como herederos d'una tradición. Pal sieglu XIV, col propósitu de que la so individualidá fuera reconocida, los escritores empezaron a nomar les sos obres, a llamase a sí mesmos poetes y a asumir responsabilidaes poles hestories que cuntaben. Andrew Bennett ve les primeres muertes de la concepción d'autoría en [[Geoffrey Chaucer]].<ref>Bennett, Andrew, ''Op. cit''., p.43.</ref>