Diferencies ente revisiones de «Lincoln Motor Company»

== Historia ==

La compañía foi fundada en [[1917]] por Henry M. Leland, unu de los fundadores de [[Cadillac]]. Ésti dexó la división Cadillac de [[General Motors]] mientres la [[Primer Guerra Mundial]] y formó la '''Lincoln Motor Company''' pa construyir motores pa los aviones Liberty. Dempués de la guerra les fábriques de la compañía se re-fornieron pa la manufactura d'automóviles.

La compañía atópase en severos problemes financieros mientres la transición, y por consecuencia foi mercada pola Ford Motor Company en [[1922]], quien inda tien y manufactura automóviles so la marca Lincoln na so división Lincoln-Mercury. La compra de Lincoln foi un trunfu personal pa Ford, que fuera obligáu a dexar la so segunda compañía por un grupu de inversionistas lideráu por Leland. Irónicamente esa compañía foi más tarde renombrada Cadillac. Lincoln convirtióse rápido nuna de les marques [[Estaos Xuníos|estauxunidenses]] de luxu con mayores vientes xuntu con Cadillac y [[Duesenberg]]. En [[1927]] Lincoln adoptó a un [[Perru|can]] como'l so emblema, que sería reemplazáu más tarde con un [[diamante]], que ye'l que sigue n'usu.

Col modelu de [[1936]], Lincoln introdució'l ''Lincoln Zephyr'', que yera un diseñu más deportivu. Zephyr casi se convirtió nuna marca distinta, en cuenta de ser namái un modelu. Foi introducíu en [[1936]] hasta la [[Segunda Guerra Mundial]] y la so producción cesó en [[1942]]. Dende'l Zephyr de [[1939]] Edsel Ford dio entamu a los sos esfuercios pa crear el Lincoln Continental, que finalmente se convertiría nel modelu más importante fechu por Lincoln. Ésti empezó como un proyeutu de Edsel Ford pa crear un autu pa conducir mientres les sos vacaciones en [[Florida]]. Edsel quería un automóvil con estilu européu con una forma distinta a los cuadraos diseños que la compañía del so padre producía. El Continental probó ser popular y los planes pa la so producción y vienta fueron aprobaos.

El ''Continental Mark II'' foi la renacencia del conceutu. Esti vehículu foi producíu pola división Continental dende [[abril de 1955]] hasta [[xunetu de 1956]] primero que ésta tornara a la marca Lincoln. El Mark II tenía un preciu básicu de 10.000 [[Dólar estauxunidense|Dólares]], anguaño 70.000 considerando la inflación, el mesmu aprecio qu'un Rolls-Royce del mesmu añu.

 

El Mark II llanzó una carauterística bien asonsañada por otros automóviles estauxunidenses de luxu: La rueda de repuestu despinta por una moldura na tapa del maleteru (llamada polos sos detractores "tapa de cubu de basura"). Ver más detalles en [[Carrocería_(elementos_de_estilu)]].

L'apocayá creada división Edsel foi fundida con Lincoln-Mercury en [[xineru de 1958]] pa formar la división Mercury-Edsel-Lincoln hasta que Edsel foi discontinuada en [[1960]].

 

 

=== Modelos actuales ===

 

* [[Lincoln Mark LT]] (2006-2009, primer xeneración; 2010, segunda xeneración). Namái Méxicu.