Diferencies ente revisiones de «Julio César Tello»

En [[1900]] ingresó a la facultá de Medicina de la Universidá Nacional Mayor de San Marcos, au foi condiscípulu d'un fíu del pernomáu tradicionista don Ricardo Palma, polo que frecuentó la so casa, ganándose'l ciñu del vieyu escritor, que, na so condición de direutor de la Biblioteca Nacional delde Perú, consiguió-y un puestu como conservador. Foi ellí onde-y nació a Tello la molición pola [[ciencia]] y l'investigación, especialmente l'[[arqueoloxía]] y l'[[antropoloxía]]. El so acercamientu al mundu prehispánicu prodúxose a partir de la llectura d'un estudiu de les llingües indíxenes de Sebastián Fuécara. En [[1906]] ufiertó la so primer conferencia en redol a unos cranios prehistóricos desenterraos en tumbes prehispániques de ''Yauyos''. Pero primero de nada decidió rematar la so carrera y graduóse de bachiller en Medicina'l [[16 de payares]] de [[1908]], cola so tesis «L'antigüedá de la sífilis nel Perú», un orixinal estudiu sobre dicha enfermedá.<ref>Inserta en ''Revista Universitaria'': añu III, vol. </ref> Finalmente recibióse como Médicu Ciruxanu en [[1909]].