Fecho na cuarentena

Fecho na Cuarentena ye un volume de rellatos asoleyáu pola editorial Ediciones Radagast a últimos de marzu de 2020. Trátase de la primer esbilla dixital y de baldre que s'asoleya n'Asturies y, tamién, de primer títulu qu'asoleya Ediciones Radagast. Ñaz col oxetivu de fornir a los llectores asturianos con una bona cantidá de rellatos n'asturianu, en castellán y en gallego-asturianu demientres l'Estáu d'Alarma por mor del andanciu del Coronavirus de 2020. En Fecho na Cuarentena hai un total de 28 rellatos de los que la mayoría (17) tán n'asturianu, 10 en castellán y ún en gallego-asturianu.