'''Fort Wayne''' ye una ciudá que s'atopa nel nordeste del estáu d'[[Indiana]], [[Estaos Xuníos]], y la sede alministrativa del Condáu de Allen. Ye la segunda ciudá más grande del estáu dempués d'[[IndianápolisIndianapolis]] y siguida por [[Gary (Indiana)|Gary]]. Nel añu 2007 la ciudá tenía una población envalorada de 248.637 habitantes, allugándose nel puestu 70 ente les ciudaes más grandes del país. Nel añu 2005 la población del so área metropolitana yera de 565.606 habitantes. Atópase cuasi equidistante de les ciudaes de [[Chicago]] ([[Illinois]]), [[Cincinnati]] ([[Ohio]]) y [[Detroit]] ([[Michigan]]), lo cual sirvió históricamente pa ser un importante centru de tresportes y comunicaciones na rexón. Ta allugada pocos kilómetros al norte del cursu altu del [[ríu Wabash]], afluente del [[ríu Ohio]], el cual, pela so parte, ye afluente del [[Ríu Mississippi|Misisipi]].