Diferencies ente revisiones de «Aśoka»

== El redescubrimientu d'Aśoka nel sieglu XIX ==

Hasta'l [[sieglu XIX]], Aśoka yera a cencielles un nome más nes xenealoxíes inventaes de los reis indios del periodu budista. Dellos eruditos europeos de la dómina tamién traducieron rellatos budistes de la lliteratura india. Estos rellatos amosaben les doctrines budistes, según les hestories y biografíes llexendaries de la doctrina. Nestes fontes budistes —procedentes de [[Sri Lanka|Ceilán]], [[Tíbet]] y [[República Popular China|China—]] presentes en rellatos como'l ''Divia avadana'', l'Aśoka avadana, el ''Maya-vamsa'' y otros, apaecía la figura d'un gran rei ''Aśoka.'' Por causa de la esistencia de delles hestories d'esti tipu consideraes de poco rigor histórico, yá que se creíen procedentes de la cultura popular, tomóse la figura d'Aśoka como llexendaria y nun se-y dio credibilidá. La hestoria davezu describíalu como un príncipe cruel qu'asesinó a los sos hermanos pa xubir al tronu, pero que tres la so sangrienta conquista de Kalinga (na mariña este de la [[India]], anguaño nel estáu d'Orissa), Aśoka convirtióse nun budista pacifista, y contribuyó al espardimientu del [[budismu]], reinando dende esi momentu d'una manera xusto y pacífico.

 

<br />