Diferencies ente revisiones de «Adriana Caselotti»

=== Apaiciones públiques y xires promocionales ===

Nun primer momentu Walt Disney quixo caltener de callao los nomes de los actores y actrices de voz que trabayaren en ''Blancanieves'', con cuenta del espectador más nuevu creyera que se trataba d'una hestoria real. Por cuenta de la gran repercusión que tuvo la película, y en recibiendo'l [[Óscar a la meyor banda sonora]] en 1938, Disney decidió aprovechar aquellos sucesos y promocionar los sos estudios al traviés de dellos actores de voz que trabayaben pa él, unviándolos a distintes xires n'Estaos Xuníos y dellos países d'[[Europa]]. Foi entós qu'Adriana volvió ponese la cinta nel pelo y el vistíu de mangues abullonadas, característicu del personaxe. <ref>{{Cita web|url=http://www.animatormag.com/archive/issue-21/issue-21-page-23/|títulu=With a smile and a song – Adriana Caselotti – Page 2 {{!}} Animator Mag - Archive|fechaaccesu=18 d'abril de 2018|sitiuweb=www.animatormag.com|idioma=en-US}}</ref> En munches d'estes presentaciones tuvo acompañada de [[Pintu Colvig]], quien fixo les voces de los nanos ''Dormilón'' y ''Gurniador,'' y de [[Clarence Nash]], la voz del [[Patu Donald]]''.'' Años dempués Adriana confesaría qu'ente ella y Colvig hubo un fugaz romance.

Dende 1938, cuando s'empecipiaron les xires, Adriana dio conferencies de prensa, visitó hospitales, escueles, estaciones de radiu y dellos programes de TV. Y cuando Disney decidió que cada 8 años reestrenaríen ''Blancanieves'' (decisión que tomó como manera de recaldar fondos por cuenta de que les películes socesor haber dexáu en bancarrota pola mor del pocu ésitu), Adriana empezó a ser conocida a nivel mundial al apaecer al pie de Walt en cada reposición. Ente 1938 y 1958 foi cuando más artículos escritos sobre ella hubo nos periódicos y revistes de la dómina, yá que tol mundu quería conocer quién yera la voz principal del tan afamáu llargumetraxe. Llegó a cantar en más de cien restaurantes y escenarios, depués o antes de roblar autógrafos.