Diferencies ente revisiones de «Superman»

Contenido eliminado Contenido añadido
Etiquetes: Edición de móvil Edición de la web pa móvil
Etiquetes: Edición de móvil Edición de la web pa móvil
Llinia 51:
Con dolce años yá lu reconocen como l'héroe de Smallville y quiérenlu toos, anque la so presencia suel trayer problemes. Desafortunadamente, un científicu acerca-y un cachu de kryptonita verde cuando les cámeres tan grabándolu, y el mundu guipa que esta-y manca enforma.
 
Dacuando, Superboy xúnese a [[Aquaman|Aquaboy]] pa lluchar escontra'l crimen. Amás, Lana Lang tresfórmase na superheroína Insect Queen, y una andecha de superhéroes del sieglu XXX, la [[Legion of Superheroes|Llexón de Superhéroes]], viaxa pel tiempu, contauta con Superboy y reclútalu, polo que vive con ellos aventures a esgaya en dambes dos dómines. Nuna d'estes, Lana guipa por fin la so identidá, pero Superboy aborra-y la memoria con hipnosis, y una llexonaria, Duo Damsel, namoríscase d'él. Pero Superboy acaba arrenunciando a ser miembru de la Llexón pa evitar qu'acusaren a estos de fuximientu d'impuestos. Estos, estimosos, faen-y una estatua d'oru y pónenla en cuartel.
 
Cuando un meteorito de kryptonita fiere gravemente a Superboy, un rapaz llamáu Lex Luthor ayúdalu y declara ser el so mayor siguidor. Superboy regala-y un llaboratoriu pa agradece-ylo. Lex tienta de criar un sueru pa que la kryptonita nun manque a Superboy, pero provoca un incendiu y cuando esti trata de salvar a Lex arrevienta una probeta, y el fumu cálvialu dafechu. Lex piensa que lo fixo arrémente, y trata de quita-y el puesto d'héroe de Smallville per aciu de los sos inventos. Con estos produz más mal que bien, polo que va atorollando y termina diseñando máquines p'acabar col héroe.
 
== Filmes ==