Pola so particularidá y seña d'identidá asturiana, el 11 de xunetu de 2014 la cultura sidrera asturiana foi declarada Bien d'Interés Cultural pola DirecciónDireición Nacional de Padremuñu Cultural nun procesu qu'empecipió en 2011. La Cultura Sidrera d'Asturies busca ser catalogada como Padremuñu Inmaterial de la Humanidá. Depués de dellos años y consultes, n'agostu de 2018 créase oficialmente un comité pa la candidatura de la propuesta ante la [[UNESCO|Unesco]] compuestu por una presidencia colexada formada polos direutores xenerales de Padremuñu Cultural y el de Desendolcu Rural y Agroalimentación, xuntu al responsable del Conseyu Regulador de la Denominación d'Orixe Sidra d'Asturies. Amás de la presidencia colexada faen parte del comité diez vocales del sector granible de la sidra.<ref>{{cita publicación |url=https://issuu.com/lasidra.as/docs/la_sidra_176 |títulu=Se crea un comité para la candidatura de la cultura sidrera asturiana a la Unesco |apellíu=Urquiola |nome=Estíbaliz|fecha=agostu 2018|publicación=Revista La Sidra |númberu=176}}</ref>
El 18 de xunetu de 2019 el [[Principáu d'Asturies]] unvia al Ministeriu de Cultura d'España la documentación pa convertir en candidatu oficial a la cultura sidrera d'Asturies.<ref>{{cita web |url=https://www.elcomercio.es/asturias/cultura-sidrera-paso-20190719001458-ntvo.html|títulu=La cultura sidrera da un paso más para ser Patrimonio Inmaterial|fecha=2019-07-19|idioma=es|obra=El Comercio|fechaaccesu=2020-04-07}}</ref>
