Diferencies ente revisiones de «Usuariu:Sahaquiel9102/Taller»

ensin resume d'edición
m
== Ellaboración tradicional de la sidra ==
La ellaboración tradicional de la sidra n'Asturies entamaba nos caberos díes de setiembre. Mientres la [[seronda]] y l'[[hibiernu]] el trabayu yera constante. Depués de preparar les duelles y les pipes con toneleros y carpinteros de la parroquia o pueblos vecinos, los llagares dedicábanse a llimir y pañar la mazana, actividá na que participaba tola familia ensin distinción de xéneru o edá, y en munches ocasiones tamién los vecinos n'andecha. Pañábase en turnos de mañana y tarde, y no cabero d'avientu y entamos de xineru tamién pela nuechi col final del mayáu.<ref name=SyM>{{Cita llibru|títulu=Sidra y manzana de Asturias|autor= José Antonio Fidalgo Sánchez |url=https://www.worldcat.org/oclc/431230388|editorial=Prensa Asturiana|añu=1993|fechaacceso=2020-10-19|isbn=84-87657-59-1|oclc=431230388|apellidos=Fidalgo Sánchez, José Antonio.}}</ref>
 
Los homes tresportaben nel costazu les mazanes en paxos, cestos de blimes d'ablanu, hasta los carros que una vez enllenos tirábanse de la pumarada al llagar, formando piles n'espera del mayáu. Les mazanes que cayen ceo del pomar ensin ser llimíes llámanse ''mazanes del sapu'', y al ser relativamente verdes, enfermes, mordíes d'insectos o podres pola humedá'l suelu producen una sidra probe, turbia y con tastiu a verdín; polo que xeneralmente nun s'usen na ellaboración de sidra. <ref name="SyM" />
 
El mayáu la más de veces ocurría na tarde. Los mayadores, xente mozo, formaben pareyes de cuatru, ochu o diez,y colocábanse frente a frente, cada grupu nun llau'l duernu, y entamaben a triturar la mazana col mayu, o calabaza. Les muyeres y niños, y de xemes en cuandu homes ensin prexuiciu, separtaben les mazanes podres y picades y enllenaben los paxos pa los mayadores. El mayador na cabecera más cercana a la masera yera quien xeneralmente daba la instrucción d'entamar el mayáu, que yera acompasáu, nin mui suave que nun sirviere nin mui fuerte que amazacotare, teniendo curiáu tamién de nun mayar demasiao la mayana pa que caltenga la pulpa y nun se torne en repla. Primero mayaben los mayadores d'una banda y depués los de la otra, calteniendo'l ritmu y acompañando'l llabor con cancíos tradicionales. La magaya pasábase entós a la masera o prensa pa producir el primer mostiu o sidra duce, que recoyíase nel duernu.<ref name="SyM" />
 
=== Pallabreru en llingua asturiana ===
[[Ficheru:Culín_de_sidra.jpeg|izquierda|miniaturadeimagen|Culín de sidra.]]
* '''Duernu''': Recipiente u cai'l zusmiu de mazana mientres se prensa
* '''Chigre''': Artefactu para descorchar. Por estensión, el llugar onde se bebe sidra.
*'''Mazanes del sapu''': Mazanes que cayen soles del árbol. nun suelen tenese por mui bones pa la sidra.
*'''Paxu''': Cestu texíu nel que se tresportaben les mazanes
*'''Sovigañu''': Maderu que sofita la masera del llagar
*'''Cimbriella''': Pieza qu'axusta'l fusu a la viga superior del llagar
 
 
[[Ficheru:Museo_de_la_Sidra.jpg|miniaturadeimagen|231x231px|Llagar tradicional nel Muséu de la Sidra]]
872

ediciones