Esiste una [[lleenda urbana|creencia popular]] en quque'ell inuktitut tien un gran númberu de pallabres pa nomar la [[nieve]]. Esto nun ye esactu y resulta d'un tracamundiu respeuto de la naturaleza de los llinguaxes polisintéticos. Ello ye que el inuktitut tien namái unes poques raigaños léxicos pa "nieve": 'qanik', quier dicir "falopos de nieve nel aire", y 'aput', "la nieve nel suelu". Con estes formen pallabres más llargues, por aciu l'usu d'afixos que describen cualidaes de la nieve, de la mesma manera que n'[[asturianu]] utilícense [[axetivu|axetivos]] o [[preposición|preposiciones]]: "blanca nieve" "nieve derritiéndose" o "nieve nel suelu".