El primer corréu qu'hubo n'[[Alemaña]] foi establecíu nel [[sieglu XV]]. Por aquella [[dómina]] surdió na Europa central un sistema de correos qu'adulces foi estendiéndose, algamando a los [[Países Baxos]], [[Austria]], [[Italia]], [[España]] y [[Burgundia]]. Tou ello foi obra d'una importante familia de [[Milán]] que nel [[sieglu XIV]] tuvo que expatriarse por continxencies polítiques. Estos emigraos yeren los [[Della Torre]], quien, abelugaosabellugaos en [[Bérgamo]], añedieron al so nome'l de [[Tassis]]. Poco dempués la casa de [[Torres Tassis]], posesora del condáu de la [[Torre de Valsassina]], xeneralizóse como [[Thurn und Taxis]]. En [[1450]] [[Federico III de Habsburgu|Federico III]], emperador del [[Sacru Imperiu Romanu Xermánicu]], autorizó a [[Roger de Thurn und Taxis]], conde de la [[Torre de Valsassina]], pa establecer una posta a caballu ente'l [[Tirol]] y los [[Estaos italianos]]. Más o menos por aquella dómina entamóse un serviciu de correos ente [[Bruxeles]] y la frontera francesa, onde enllazaba col serviciu de postas francés. En [[1516]] [[Francisco de Thurn y Taxis]] xunió a [[Bruxeles]] ([[Bélxica]]) con [[Viena]] ([[Austria]]). Tanto esti serviciu como los anteriores efectuábense a caballu, con relevos namái de los animales nun primer momentu y de éstos y de los [[postillón|postillones]] más tarde. Mientres munchos años, como un monopoliu postal, la casa de [[Thurn und Taxis]] tuvo l'alministración de les postas en tola Europa central, a pesar de que los Estaos integrantes de la [[Confederación Europea]], viendo los enormes beneficios que cola so alministración podíen llograr pa la so Facienda, intentaron en delles ocasiones quitar del privilexu. Pero'l [[Congresu de Viena]] ratificó en favor del conde de la [[Torre de Valsassina]] los derechos sobre dicha organización postal, derechos que perduraron hasta la dómina de [[Otto von Bismarck|Bismarck]].
