Diferencies ente revisiones de «Real Uviéu Femenín»

L'equipu foi fundáu'l [[24 de xunu]] de [[1980]] nel barriu [[Uviéu|uvieín]] de [[La Corredoria (Uviéu)|La Corredoria]] por Ana Lacalle y Luis Miguel Cienfuegos. Dos años dempués federóse col nome '''Méxicu-La Corredoria Club de Fútbol''' y empezó a xugar na Lliga Rexonal Asturiana, de la que quedó campeón en delles ocasiones. Por motivos de patrociniu, el club camudó'l so nome a '''Club de Fútbol Femenino Tradehi''' na temporada 1984/85, na que participó na Lliga Ástur-Lleonesa. Dos temporaes dempués proclamóse campeón d'esta lliga, lo que supunxo'l so ascensu Segunda División Femenina d'España. Nesta categoría permaneció dos años, pos na temporada 1989/90 xubió a División d'Honor, la máxima categoría del fútbol nacional d'entós. Nel añu [[1996]] pasó a denominase '''Peña Azul Uviéu Femenín''' y, al sumir la División d'Honor, participó na so socesora, la Lliga Nacional. Ese mesmu añu creóse'l primer equipu filial. La División d'Honor o [[Superliga Española (fútbol femenín)|Superliga]] restablecióse na temporada 2001/02, y nella participó'l club col nome de '''Club de Fútbol Uviéu Modernu Universidá''', gracies al sofitu recibíu pol [[Conceyu d'Uviéu]] y pola [[Universidá d'Uviéu]]. Permaneció nesta categoría hasta la temporada 2007/08, cuando baxó al grupu II de [[Segunda División Femenina d'España|Segunda División]] tres un mal añu nel que acabó en penúltima posición. Sicasí, nun tardó en recuperar la categoría perdida, pos al añu siguiente consiguió quedar primero del so grupu y superar na fase d'ascensu al [[Atléticu Jienense]] y a la [[Fundación Albacete]]. Na temporada 2010-11 volvió baxar a de categoría. Vuelve a la Primer División Nacional femenina la na temporada 2013/2014, y baxa de nuevu a Segunda División dos temporaes dempués.