Diferencies ente revisiones de «Territoriu del Noroeste»
Contenido eliminado Contenido añadido
Sin resumen de edición |
Sin resumen de edición |
||
Llinia 1:
{{Xeografía}}
El '''Territoriu del Noroeste''' (n'inglés ''Northwest Territory'', de nome oficial ''Territory Northwest of the River Ohio'') foi un territoriu (rexón embaxu de la xurisdicción del gobiernu federal) de los [[Estaos Xuníos d'América|Estaos Xuníos]] formáu tres de la so [[Guerra d'Independencia de los Estaos Xuníos|guerra d'independencia]]. Comprendía la mayoría del territoriu colonial británicu anterior a esa guerra asitiáu al oeste de los montes [[Apalaches]] y al norte del [[Ríu Ohio|ríu Ohio]], esto ye, tola tierra al oeste de [[Pennsylvania]], al noroeste del ríu Ohio y al este del [[Ríu Mississippi|ríu Mississippi]] asitiada al sur de los [[Grandes Llagos]]. Creóse como territoriu pola Ordenanza Noroeste (''Northwest Ordinance'') el [[13 de xunetu]] de [[1787]], y el so territoriu reduciose al actual [[Ohio]], al este del actual [[Michigan]] y a una faza del sureste del actual estáu d'[[Indiana]] tres de la formación del [[Territoriu d'Indiana|territoriu d'Indiana]] el [[4 de xunetu]] de [[1800]]. Desapaeció el [[1 de marzu]] de [[1803]], cuando la fastera suroriental del territoriu conformó l'actual estáu d'Ohio y el restu del mesmu foi incorporáu al territoriu d'Indiana.
Nel momentu de la so formación el territoriu yera una gran estensión de terrenu xabaz perpoco pobláu, que yera recorrida por tribus nómadas d'indixenes americanos como los delaware, miami, potawatomi o shawnee; la presencia francesa llimitábase a unos pocos asentamientos coloniales. Pal tiempu nel que se disolvió, el territoriu yá tenía docenes de ciudaes y pueblos, dellos con varios miles d'habitantes, principalmente nel actual Ohio, nes conques de los ríos Ohio y [[Ríu Miami|Miami]] y alredor de los Grandes Llagos.
|