Diferencies ente revisiones de «Fisicoquímica»

Unu de los primeros trabayos dedicaos al estudiu de la [[cinética química]] foi'l realizáu por [[Ludwig Ferdinand Wilhelmy]] sobre la velocidá de cambéu de configuración de determinaos [[azucres]] en presencia d'un [[ácidu]]. A mediaos del sieglu XIX, Wilhelmy llegó a la conclusión de que la velocidá del cambéu yera proporcional a la [[concentración]] del azucre y del ácidu y que tamién variaba cola temperatura. La collaboración ente un químicu, [[George Vernon Harcourt]], y un matemáticu, [[William Esson]], dexó la introducción d'[[ecuaciones diferenciales]] nel estudiu de la cinética química. Esson foi'l introductor de los conceutos de reacciones de "primer orde", que la so velocidá ye proporcional a la concentración d'un solu reactivu, y de reacciones de "segundu orde", nes cualos la velocidá ye proporcional al productu de dos concentraciones. Nos últimos años del sieglu XIX, los trabayos de [[Jacobus Henricus van't Hoff]] tuvieron una gran influencia n'este y otros campos de la química. Ente les sos aportaciones, alcuéntrase la introducción del [[métodu diferencial]] pal estudiu de la velocidá de les reacciones químiques y la so famosa ecuación que dexa rellacionar la velocidá y la temperatura de la reacción.

 

Nota:sé que puedo tener problemes al faer esto, pero pa los usuarios qu'algamen a lleelo,nun confíen nesta páxina, meyor usen los links que siempres dexen embaxo y si dalgunu d'ellos tien el símbolu de pdf,ye bien encamentáu entrar ellí,busquen páxines fayadices y confiables como los pdf y les páxines de les universidaes.