Diferencies ente revisiones de «Ilesia Católica»

La Ilesia Católica llama a tolos sos miembros a practicar la [[castidá]] acordies col so estáu na vida. La castidá inclúi la templanza, l'autodominiu, el crecimientu personal ya cultural y la gracia divina. Y algamala obliga a evitar la [[lluxuria]], la [[masturbación]], la fornicación, la [[pornografía]], la [[prostitución]] y, especialmente, la [[violación]]. La castidá, p'aquellos que nun tan casaos, implica vivir en continencia, absteniéndose de l'actividá sexual; los casaos tán llamaos, pela so banda, a la castidá conyugal<ref>Catecismu de la Ilesia Católica, [http://www.vatican.va/archive/ccc_css/archive/catechism/p3s2c2a6.htm parte 3, sección 2, artículu 2].</ref>.
 
La Ilesia enseña que l'actividá sexual ta reservao a pareyes casaos, seya en matrimoniu sacramental ente cristianos o en matrimoniu natural, cuando ún o dambos de los esposos nun tán bautizaos. Inclusu nos noviazgos, y particularmente colos novios yá [[Esponsales|prometíos]], los dos compañeros sentimentales son llamaos a la continencia como mou de demostrar el respetu y la fidelidá mutuos<ref>Catecismu de la Ilesia Católica, [http://www.vatican.va/archive/ccc_css/archive/catechism/p3s2c2a6.htm párrafos 2348-50].</ref>. La castidá nel matrimoniu obliga a la fidelidá conyugal y a la proteición de la fecundidá nel matrimoniu. Los esposos deben trabayar na confianza y la honestidá na pareya, y compartir la so intimidá, neto la espiritual que la física. L'actividá sexual tien que tar siempres abierta a la posibilidá de la vida<ref>''[https://diocesehelena.org/offices-and-ministries/pastoral-renewal-services/fertility-awareness/church-teaching-about-contraception/ Church Teaching About Contraception]'', artículu na web de la diócesis d'Helena (Montana, Estaos Xuníos).</ref>: la Ilesia lláma-y a esto la significancia procreativa. El sexu, amás, tien que contribuyir siempre a que la pareya ámese más; ye lo que la Ilesia llama la significancia xunitiva<ref name=":16">''[http://www.vatican.va/content/paul-vi/es/encyclicals/documents/hf_p-vi_enc_25071968_humanae-vitae.html Humanae Vitae]'', encíclica papal promulgada por Pablu VI (25 de xunetu de 1968).</ref>.
 
L'usu de [[Métodu anticonceutivu|contraceptivos]] y la realización de práctiques sexuales non encaminaes a la procreación nun tán permitíos; sicasí, consiéntense l'usu de métodos de planificación familiar naturales pa espaciar el periodu ente nacimientos de los fíos o pa posponer la concepción d'un neñu por una causa xustificada<ref>Catecismu de la Ilesia Católica, [http://www.vatican.va/archive/ccc_css/archive/catechism/p3s2c2a6.htm párrafos 2364-72].</ref>. El papa Franciscu dixo en 2015 que ta preocupáu porque la Ilesia tien obsesionáose con cuestiones como l'[[albuertu]], el [[Matrimoniu homosexual|matrimoniu de persones del mesmu xéneru]] y la contracepción, y criticó que la Ilesia punxera'l dogma per delantre del amor y que priorizara les cuestiones morales sobre l'axuda a los probes y marxinaos<ref>Spadaro A, ''[https://www.americamagazine.org/faith/2013/09/30/big-heart-open-god-interview-pope-francis A Big Heart Open to God: An interview with Pope Francis]''. Artículu na revista America, the Jesuit Review (30 de setiembre de 2013).</ref><ref>Goodstein L, ''[https://www.nytimes.com/2013/09/20/world/europe/pope-bluntly-faults-churchs-focus-on-gays-and-abortion.html Pope Says Church Is ‘Obsessed’ With Gays, Abortion and Birth Control]''. Artículu de The New York Times (19 de setiembre de 2013).</ref>.
Los tribunales diocesanos completaron, a nivel mundial, 49.000 causes de nulidá. Un númberu perpequeñu comparáu col de divorcios nos países predominantemente católicos, que tienen aprobao lleis de divorciu nes caberes décades: [[Italia]] ([[1970]]), [[Portugal]] ([[1975]]), [[Brasil]] ([[1977]]), [[España]] ([[1981]]), [[República d'Irlanda|Irlanda]] ([[1996]]), [[Chile]] ([[2004]]) y [[Malta]] ([[2011]]). [[Filipines]] y la Ciudá del Vaticanu, pela so banda, nun tienen reconocíu'l derechu al divorciu (en Filipines, sicasí, los musulmanes sí que pueden divorciase).
 
==== Contracepción ====
La Ilesia enseña que les rellaciones sexuales deben tener llugar namái ente un home y una muyer que tean casaos, y debe consumase ensin usar métodos contraceptivos. Na so encíclica ''Humanae Vitae''<ref name=":16" />, de 1968, el papa [[Pablo VI|Pablu VI]] refugó con firmeza toa triba de métodos anticonceptivos, contradiciendo a dellos sectores de la Ilesia que víen la píldora anticonceptiva como un métodu de contracepción éticamente xustificable, magar que permitiendo la regulación de los embarazos mediante métodos naturales de planificación familiar. Esta doctrina foi detallada por [[Papa Xuan Pablu II|Xuan Pablu II]] na so encíclica ''Evangelium Vitae'', na qu'esclarió la postura de la Ilesia no que cinca a la contracepción, l'albuertu y la [[eutanasia]], condenando toos ellos como parte d'una "cultura de la muerte" y faciéndo un llamáu en favor d'una "cultura de la vida"<ref>Bokentotter, pp. 27, 154, 493-4.</ref>.
 
Munchos católicos occidentales tienen amosao el so fondu desalcuerdu coles enseñances de la Ilesia no que cinca a la contracepción<ref>Hindery R, ''The Evolution of Freedom as Catholicity in Catholic Ethics. Anxiety, Guilt and Freedom''. UPA, 1990.</ref>. Una organización católica estauxunidense independiente de la Ilesia, Catholics for Choice, afirmó en 1998 qu'el 96% de les muyeres católiques d'esi país usaran contraceptivos en dalgún momentu de les sos vides, y qu'el 72% de los católicos creyíen qu'ún podía ser bon católicu magar que desobedeciera la doctrina de la Ilesia relativa a la contracepción<ref>Catholics for a Choice, ''[https://web.archive.org/web/20061011221417/http://www.catholicsforchoice.org/topics/prevention/documents/1998amatterofconsciece.pdf A matter of conscience: Catholics on Contraception]''. Washington DC, 1998.</ref>. Por otra parte, como les instituciones sanitaries venceyaes a la Ilesia son ún de los mayores proveedores de servicios de salú a pacientes con [[SIDA]] a nivel mundial, hai una polémica importante, dientru y fuera la Ilesia, sobre l'usu del [[preservativu]] como un métodu pa evitar contaxos, una y bones la Ilesia refuga l'usu cotidianu del preservativu como métodu anticonceptivu<ref>''[https://catholicleader.com.au/news/pope-speaks-out-on-condoms_45117 Pope speaks out on condoms]'', artículu na web catholicleader.com (29 de marzu de 2009).</ref>.
Contracepción
 
La Ilesia opónese tamién a la fertilización in vitro porque afirma qu'esi procesu artificial sustitúi al amor ente un maríu y una muyer<ref>''[https://web.archive.org/web/20081229164506/http://www.medicalnewstoday.com/articles/38686.php Pope Benedict XVI Declares Embryos Developed For In Vitro Fertilization Have Right To Life]'', artículu na web medicalnewstoday.com (3 de marzu de 2006).</ref>, y tamién porque obliga a la eliminación d'embriones, y los católicos percreyen qu'un embrión ye un individuu cola so propia alma y debe, poro, ser tratáu como talo<ref>Allen JL, ''The Future Church: How Ten Trends are Revolutioning the Catholic Church'', p. 223. Doubleday, 2009. ISBN 978-0385520386</ref>. Esti argumentu ye nel que se basa la Ilesia pa oponese al albuertu<ref>Ertelt S, ''[https://web.archive.org/web/20150403010022/http://archive.lifenews.com/nat2328.html Catholic Church Issues Condemnation of Abortion, In-Vitro Fertilization]'', artículu na web lifenews.com (6 de xunu de 2006).</ref>.
 
==== Homosexualidá ====
 
== Referencies ==