Diferencies ente revisiones de «Magnesiu»

695 bytes amestaos ,  hai 2 meses
ensin resume d'edición
El '''magnesiu''' ye un [[elementu químicu]] de [[númberu atómicu]] 12 y símbolu '''Mg''', allugáu nel [[elementos del grupu 2|grupu 2]] de la [[tabla periódica]]. Ye un sólidu brillante de color gris que tien una gran semeyanza colos otros cinco elementos de la segunda columna (grupu 2, o de los metales alcalinoterreos) de la tabla periódica: toos ellos tienen la mesma configuración electrónica na so corteya esterior d'[[Electrón|electrones]] y una estructura cristalina asemeyada.
 
El magnesiu produzse n'estrelles grandes y vieyes a partir de l'adición secuencial de trés núcleos d'[[heliu]] a un núcleu de [[carbonu]]. Cuando eses estrelles españen como [[Supernova|supernovas]] munchu del so magnesiu sal al mediu interestelar, aú puede ser recicláu en nuevos sistemes d'estrelles. El magnesiu ye'l octavu elementu más abondante na [[corteya terrestre]]<ref>[https://web.archive.org/web/20110927064201/http://www.gly.uga.edu/railsback/Fundamentals/ElementalAbundanceTableP.pdf Abundance and form of the most abundant elements in Earth’s continental crust], en Railsback LB, ''Some Fundamentals of Mineralogy and Geochemistry''.</ref>, y el cuartu más común, tres del [[fierro]], l'[[oxíxenu]] ya'l [[siliciu]], nel planeta [[Tierra]]; representa'l 13% de la masa del planeta, y un porcentaxe grande del [[mantu terrestre]]. Ye, amás, el tercer elementu más abondante, tres del [[sodiu]] ya'l [[cloru]], de los que tán disueltos nel agua de mar<ref>Anthoni JF, [http://www.seafriends.org.nz/oceano/seawater.htm#composition The chemical composition of seawater]''.'' Artículu na web seafriends.org.nz.</ref>.
 
El magnesiu aparece de forma natural namái combináu con otros elementos, n'amiestos nos que tien siempre un [[estáu d'oxidación]] de +2. L'elementu llibre, el metal, puede producise artificialmente, y ye perreactivu. Na atmósfera, sicasí, recúbrese enseguida d'una capa fina d'óxidu qu'inhibe parcialmente la so reactividá ([[pasivación]]). El metal llibre arde con una lluz característica, de color blancu brillante. Anguaño el metal obtiénse principalmente por la [[electrólisis]] de sales de magnesiu obteníes d'agua salao, y úsase principalmente como componente d'aleaciones d'[[aluminiu]] y magnesiu, nomaes delles vegaes [[magnaliu]]. El magnesiu ye menos densu que l'aluminiu, y l'aleación ye valorada pola so combinación de llixereza y resistencia.
 
No que cinca al cuerpu humanu, el magnesiu ye'l 11<sup>u</sup> elementu más abondante, y ye esencial pa les célules y pa más de 300 [[Enzima|enzimes]]<ref name=":0">[https://ods.od.nih.gov/factsheets/magnesium-HealthProfessional/ Dietary Supplement Fact Sheet: Magnesium]. Office of Dietary Supplements. US National Institutes of Health, 29 de marzu de 2021.</ref>. Los iones de magnesiu interactúen con compuestos [[Polifosfatu|polifosfataos]] como el [[Adenosín trifosfatu|ATP]], el [[Ácidu desoxirribonucleico|ADN]] y el [[Ácidu ribonucleico|ARN]]. Cientos d'enzimes precisen de los iones de magnesiu pa facer la so función. Los compuestos de magnesiu, d'otra banda, son usaos comúnmente como fármacos [[Laxante|laxantes]] y antiácidos, y tamién pa estabilizar la escitación nerviosa anormal y los espasmos de los vasos sanguíneos en patoloxíes como la [[eclampsia]]<ref name=":0" />.
 
== Referencies ==
 
== Enllaces esternos ==