Auch

Auch (pronunciáu //; n'occitanu, Aush pronunciáu /ɔʃ/ ; occitanu: Aush , ) ye una ciudá y comuña francesa, prefectura del departamentu del Gers, na rexón d'Occitania .

Xeografía

Esta ciudá ye travesada pel ríu Gers, que desagua nel Garona. Auch ye la capital histórica de la Gascuña.

El ríu Gers dixebra Auch ente la Ciudá Alta, vera derecha, au s'atopa la ciudá medieval construyida sobro una llomba y onde se topa la mayor parte de los monumentos, y la Ciudá Baxa, llana. La "Ville Haute" (Ciudá Alta) tien típiques cais estreches con escaleres.

Hestoria

Auch debe'l so nome a los Auscii, nome llatinu d'una tribu aquitana qu'ocupaba un puexu predresu xuntu al ríu Gers llamáu Eliumberrum. Tres la guerra de les Galies el puexu foi abandonáu en favor del valle, au s'estableció Augusta Auscorum (n'honor del emperador Augustu), que se tresformó nuna metrópoli rexonal de la provincia romana de Novempopulania. Dempués del saquéu de la villa principal de la provincia, Eauze, Augusta Auscorum pasó a ser el principal centru urbanu y alministrativu.

Cola llegada del cristianismu, Auch foi lóxicamente erixida n'obispáu y dempués n'arzobispáu.

Mientres la Edá Media, Auch foi la capital de los condes d'Armagnac (sieglos X y XI). La villa foi perdida y retomada en múltiples momentos poles querelles ente los poderes eclesiásticos, municipales y señoriales. El blasón de la ciudá revela entá güei la llucha ente'l lleón rampante colloráu (blasón de los Armagnacs) y el corderu (símbolu de los arzobispos).

P'amosar el so poder, los arzobispos (especialmente Francisco de Saboya) fixeron construyir sobro les ruines de l'antigua catedral románica amburada, una de les más maxestoses catedrales del suroeste de Francia (sieglos XV-XVI), la catedral de Sainte-Marie d'Auch, que domina la ciudá coles sos proporciones xigantesques.

Nos sieglos XVII y XVIII, so Luis XV, l'intendente d'Étigny tresformó la ciudá cola construcción del Conceyu, la see de la Intendencia, el paséu,...

Llugares d'interés

Auch y la so catedral

Destaquen los monumentos de la "Ciudá alta", asina como los caleyones n'escalera.

• Catedral de Santa María. La gran calidá de la piedra caliar ye unu de los elementos del prestíu arquiteutural de la so catedral.
• Conceyu
• Torre d'Armagnac
• Escalera Monumental
• Muséu de los Xacobinos. Tien una escepcional colección de cerámica precolombina de la rexón de Nazca.

Ciudaes hermanaes

• Memmigen, Alemaña
• Calatayud, España