Diferencies ente revisiones de «Accipiter nisus»

El '''ferruchuferre'''{{Sab}}{{COA}} ('''''Accipiter nisus'''''), ye una [[especie]] d'[[ave]] [[Accipitriformes|accipitriforme]] de la [[familia (bioloxía)|familia]] [[Accipitridae]], llargamente distribuyida n'[[Eurasia]] dende la [[península ibérica]] y el [[norte d'África]] hasta [[Xapón]] y [[Vietnam]]. Les partes cimeres del machu adultu son de color gris azuláu y l'envés presenta franxes anaranxaes; la fema y los mozos son marrones nel envés y tienen franxes de dichu color nel pechu y banduyu. La fema ye un 25 % más grande: ye una de les especies d'ave con mayor dimorfismu sexual respeutu al tamañu. A pesar de ser un depredador especializáu nes aves del monte, el ferre pue topase en cualquier hábitat y, nes ciudaes, davezu caza páxaros de xardín. El machu aliméntase d'especies pequeñes, como los [[Paridae|páridos]], [[Fringillidae|frinxílidos]] o [[Passeridae|paséridos]]. Les principales preses de la fema son los [[Turdidae|túrdidos]] y [[Sturnidae|estúrdidos]]; tamién ye a matar aves con un pesu cimeru a 500 [[gramu|g]].