Delles foron les fontes de lluz usaes nos faros a lo llargo la so hestoriahistoria. De la dómina na que se facíen fueos na costa pasose a usar veles nos faros, y dempués llámpares d'aceite. Un fitu importante marcolu la invención, en [[1781]], del quinqué, una llámpara de mecha con reflector parabólicu que daba diez veces más lluz qu'una vela. Entamaron a usase nos faros, y foron cebaes con aceite de ballena o de colza y tamién con mantega de gochu hasta que, hacia 1880, el querosenu pasó a ser el principal combustible. Al entamar el [[sieglu XX]] pasaron a usase la lletricidá y el gas acetilenu o carburu, sobromanera dempués del desarrollu de la nomada ''válvula solar'' o ''lluz de Dalén'', un sistema que prendía automáticamente la llámpara al oscurecer y l'apagaba al alborecer y que-y valió al so inventor y fundador de la empresa AGA, el suecu [[Nils Gustaf Dalén]], el [[Premiu Nobel]] de [[Física]] en [[1912]].
Nos faros d'anguaño, delles veces, hai namái qu'una llámpara, halóxena o de filamentu, que furrula con lletricidá. Lo avezao, por embargu, ye que a la verda d'ella haiga otra de reserva, llétrica o de carburu, qu'arranca automáticamente cuando falla la primera.
