Tuvo De nacer nel [[Gâtinais]] o na diócesis de [[Sens]] escontrahacia l'añu 800; yera de llinaxe noble y foi lleváu a [[Sigulfo]], abá de [[Ferrières]], pa ser educáu. Depués unviáronlu con [[Marcuardo]], abá de [[Prüm]] cerca de [[Trèves]], pa completar la so educación y enseñar ellí. Tres la muerte del abá en 853, Adón viaxó per Italia y tuvo cuasi cinco años en Roma enantes de pasar a [[Rávena]]. Remigio o Rémy, obispu de [[Lyon]], dio-y la parroquia de Saint-Romain, cerca de [[Vienne]]. L'añu siguiente foi escoyíu obispu de Vienne y consagráu n'agostu o setiembre de 860, a pesar de la oposición del conde [[Girart de Roussillon]] y la so muyer Berthel. Participó nel concilio de [[Tousy]], cerca de [[Toul]], na [[Lorena]], el 22 d'ochobre de 860, y en munchos otros; tamién entamó un concilio en Vienne en 870 y reformó la disciplina del cleru y fundó establecimientos de caridá, mereciendo la estima de los reis [[Carlos el Calvo]] y [[Lluis II de Francia|Lluis II]]. Tres el so fallecimientu'l 16 d'avientu de 876, el so cuerpu foi soterráu na ilesia de los Apóstoles, güei llamada ilesia de San Pedro, llugar ordinariu de sepultura de los arzobispos de Vienne. El so fiesta celebra'l 16 d'avientu.
