La '''llingüística'''{{DALLAref}} ye la [[ciencia]] del [[llinguaxe]]. L'oxetivu de la llingüística teórica ye la construcción d'una teoría xeneral de la estructura de la llingua y el sistema cognitivu que les fai posibles. L'oxetivu ye tantu la descripción de les llingües en sí mesmes como carauterizar la conocencia tácito que los falantes tienen de les mesmes y como lo adquieren. L'oxetivu de la llingüística aplicada ye l'estudiu de l'adquisición del llinguaxe y l'estudiu científicu de la llingua a una variedá de xeres básiques como la ellaboración de métodos ameyoraos d'enseñanza d'idiomes. Esiste un considerable alderique sobre si la llingüística ye una ciencia social, yá que namái los seres humanos usen les llingües, o una ciencia natural porque, anque ye usada polos seres humanos, la intención de los falantes nun desempeña un papel importante na evolución histórica de les llingües yá que usen les estructures llingüístiques de manera inconsciente. En particular, Noam Chomsky señala que la llingüística tien de ser considerada parte del ámbitu de la ciencia cognitiva o la psicoloxía humana, una y bones la llingüística tien más que ver col funcionamientu del celebru humanu y el so desenvolvimientu evolutivu que cola organización social o les instituciones, que son l'oxetu d'estudiu de les ciencies sociales.
