El '''xeneral Alcázar''' (en [[francés]], '''général Alcazar''') ye un personax de ficción de la saga d'hestories de cómic de '''[[Tintín]]'''.
Dirixente de la República de [[San Theodoros]], aportó al poder tres de la revolución na que derrocó al [[xeneral Tapioca]], el so etenru enedepués hebo otra revuelta, y Tapioca garró'l mandu. AlcárazAlcázar hebo fuxir a [[Europa]] y, tres de prauticar dellos oficios, finó por devenir Ramón Zárate, llanzador de puñales, qu'hebo dexar en colando'l so collaborador Chiquito (''[[Les siete boles de cristal]]''). Tintín vuelve a atopalu n'Europa, negociando con Dawson la compra de material bélicu col envís de tomar el poder en San Theodoros, fazaña que diba ser quien a algamar. Pero otra vegada, Tapioca, aidáu pola [[Borduria]] de Plekszy-Gladz, rebelóse y trunfó. Alcázar abellugóse na selva con ung rupu de [[guerrilla|guerrilleros]], Ye quien a atrayer a Tintín, [[Silvestre Tornasol|el profesor Tornasol]], el [[capitán Haddock]] y la soprano [[Bianca Castafiore]] a San Theodoros para llibrase d'ellos. Los protagonistes axuntaránse entós al exércitu rebelde del feble Alcázar (''[[Tintín y los 'Pícaros']]''), aidándolu a reconquistar el poder cola condición de que nun heba muertes, lo que'l xeneral aceuta ensin que-y preste muncho.
El xeneral Alcázar ye daqué burricón, impulsivu y gafu. Nun-y tien mieu a nada sacantes la so muyer Peggy. La escasa intelixencia llevólu a que nel exércitu quedaren namái que 49 cabos y 3.487 coroneles.
