Antolín de la Fuente

Antolín de la Fuente Cla (Xixón, 27 d'abril de 1921 - Uviéu, 4 febreru de 1997) foi un músicu asturianu. Fíu d'Amparo Cla y Alberto de la Fuente. Del so pá que foi músicu militar y director de la Banda d'Infiestu herieda la so pasión, la música tocando'l saxu enantes de la Guerra Civil Española embaxo la batuta del so pá nesti conceyu.

Na Guerra Civil Española taría del llau republicanu de cornetín d'órdenes. El so curtiu pasáu republicanu pieslla-y, nun entamu, poder ser director de banda militar, anque yá nel 68 algama'l so oxetivu. Nel 72 xubílase del Exércitu tornando p'Asturies.

Foi director de la Banda Música de Xixón de 78 hasta'l 94. Morrió tres años dempués, nel 97 n'Uviéu.

Obra

Tien una bayurosa obra, dalguna d'elles que pasa pal cancioneru popular como «Mocina, dame un besín» y otres igües a música tradicional. Delles de les so obres son:

• Mocina dame un besín
• La Xana
• ¡La flor del agua!
• Suenen campanes
• ¡La flor del agua!
• Tríptico andaluz
• Canto a Gijón