A principios de sieglu sigue esti periodu de recobramientu con un averamientu a los modelos estéticos de la dómina, con xente como [[José García Peláez]] (''Pepín de Pría'') y sobremanera el [[Fernán Corones|Padre Galu Fernández]] (''Fernán Corones''), autor d'una poesía en tonu señardosu na qu'encara la realidá llingüística d'Asturies, Lleón, Zamora y Miranda como base pal accesu a una llingua de prestíu. Cola [[Guerra Civil Española]] y el periodu posterior de la [[dictadura franquista]], esti proyectu detiense y cai nel escaezu. Nos [[años 1970|años 70]] vuelve retomase'l proyeutu y cuaya na creyación de l'Academia de la Llingua, organismu oficial, nuna medría lliteraria y nuna demanda social pola llingua, que contribúi a la presencia de la mesma na escuela asturiana y mirandesa, al par dedun unapidimentu petición ampliaampliu pola oficialidá de la mesma (yá algamada nel casu mirandés). Namá quedaría incluyir a Lleón y Zamora nesi procesu normalizador que concierne a tol dominiu.[[Eva González Fernández]], nacida en [[Palacios del Sil]], ye la escritora más importante en llingua lleonesa d'esti periodu. La so escritura surde dafechu de la tradición oral, siguiendo inclusive la so métrica, estilu y mesmu ritmu. El so fíu [[Roberto González-Quevedo]], miembru de l'Academia de la Llingua Asturiana, sigue col llabor de dignificación y espardimientu del lleonés entamada pola so ma. Frutu d'estremaes iniciatives colectives, y sucesora d'estremaes aportaciones personales realizaes na década de los ochenta, en [[1994]] naz en [[Lleón (España)|Lleón]] ''Facendera pola Llengua'', colectivu que defende un nuevu papel pal asturlleonés. Dende la so creación entama cursos, charres y tou tipu d'actividaes conducentes a enllenar los grandes valeros d'información que tien la sociedá lleonesa y zamorana. El so envís ye averar la realidá de la llingua asturlleonesa, la so hestoria, la so lliteratura y la so situación.
