Diferencies ente revisiones de «Significáu»

Ye l'oxetu d'estudiu de la [[semántica]] y de la [[filosofía]] del llinguaxe, pero tamién interesa a la [[lexicografía]] o a la [[sicoloxía]].

 

El significáu ye aquello que quier dicir un signu, usualmente llingüísticu, o un [[símbolu]] en sentíu más ampliu. Esiste un problema epistemolóxicu y metodolóxicu pa definir el significáu, y ye que se cae na circularidá: fai falta definir qué significa significar, incumpliendo la llei básica de toa definición: nun usar la mesma pallabra definida. Por esti motivu dende la filosofía del llinguaxe a vegaes intentó definise'l significáu según un conxuntu de condiciones de [[verdá]] y non por él mesmu.

 

Dende la [[pragmática]], asegúrase que'l significáu como elementu aisláu nun esiste, sinón que ye l'usu de les pallabres y espresiones lo que conforma'l sentíu de les mesmes, poro, ye una propiedá que surde del contestu y atáu a la [[intencionalidá]] de los falantes ([[Paul Grice]]).

 

El significáu pue ser entendíu como un conceutu unitariu, global, que s'aplica a un referente o bien como un conxuntu de rasgos, asemeyaos a los morfemes d'una pallabra. La primera postura tien en contra que nun esplica mecanismos como la derivación o les rellaciones ente pallabres, mientres que la segunda ye incompleta porque hai nociones que son más complexes que la suma de les sos partes.

 

 

[[Louis Hjelmslev]] pensaba que'l significáu actúa dividiendo'l conteníu en fragmentos: nun hai llendes nidies ente los colores, por exemplu, pero decídese que de magar un ciertu tonu emplégase otra pallabra pa referise. Esta idea anticípase a los postulaos de la [[llingüística cognitiva]], qu'estudia cómo estes llendes establécense na mente en forma de categoríes interrellacionaes.

 

[[Categoría:Lexicoloxía]]

[[lt:Reikšmė]]

[[mk:Значење]]

[[nl:Betekenis]]

[[no:Mening]]

[[pl:Znaczenie]]

[[pt:Significado]]

[[ru:Значение]]

[[scn:Significatu]]