Miguel de las Cuevas

Miguel Ángel de las Cuevas Barberá (n. 19 de xunu de 1986; Alicante, España) ye un futbolista español, que xuega de mediapunta. Anguaño pertenez al Sporting de Xixón de la Primer División española.

Traxectoria

Fútbol base

Empezó a xugar nel Club deportivu Agustinos Alicante. Con 7 años foi ficháu pol conxuntu ilicitano Kelme CF, onde tuvo hasta categoría cadete. Darréu'l Valencia CF fíxose colos sos servicios. Llegó inclusive a probar en La Masía col FC Barcelona, pero al tar comprometíu col Valencia CF nun pudo fichar pol equipu azulgrana. Al empezar el so primer añu como xuvenil, ficha pol Hércules Club de Fútbol. Alterna partíos col xuvenil y entrenamientos col primer equipu.

Hércules C.F.

Debutó col primer equipu del Hércules CF na temporada 2003-04 de la mano del entrenador serbiu Josip Višnjić, nun alcuentru contra'l Novelda CF el 21 de marzu de 2004 (victoria noveldense 0-1), pero nun se fixo un buecu nel equipu herculano hasta la temporada 2004-05, nel qu'algama la titularidá nel primer equipu. Esa campaña'l Hércules xubió a la categoría de plata.

Atléticu de Madrid

Na temporada 2006-07 el Atléticu de Madrid afitóse nel herculano y fichó-y hasta l'añu 2011 abonando la so clausa de rescisión, que rondaba los 300.000 euros. Na pretemporada de 2006, l'entrenador Aguirre taba dándo-y minutos y enfotu, pero cayó mancáu de gravedá'l 13 d'agostu de 2006 nel Estadiu de Riazor mientres s'apostaba'l partíu pal tercer y cuartu puestu del Trofeo Teresa Herrera qu'enfrentaba al Atléticu contra'l Nacional tres una dura entrada de Jorge Brítez. Miguel abandonó'l campu nel minutu 64, entrando nel so llugar Maxi Rodríguez. Sufrió una quebra luxación del todíu esquierdu, amás d'estropiase'l lligamentu llateral internu, lo que lu caltuvo alloñáu de los terrenes de xuegu más d'un añu. Foi operáu na Clínica Santa Teresa de La Coruña.

A finales d'agostu de 2007 el Benfica interesóse pola evolución de la so mancadura col enfotu de incorporalo a la so plantiya, lo cual non fructificó finalmente.

El 12 d'avientu de 2007 debutó en competición oficial col Atléticu de Madrid nel estadiu Escribán Castiella de Motril ante'l Granada 74, nun partíu correspondiente a los dieciseisavos d'ida de la Copa del Rei, tres 486 díes de mancadura. Sustituyó a Forlán nel entamu del segundu tiempu. A partir d'entós foi cuntando con más minutos de xuegu nel equipu de Javier Aguirre. Na temporada 2008-09 De las Cuevas apostó munchos partíos de Lliga y foi titular nel segundu partíu de la fase de grupos de la Champions League, que se xugó nel estadiu Vicente Calderón contra'l Olympique de Marsella.

Sporting de Xixón

En xunu del 2009 fichó pol [[Real Sporting de Xixón]Na presente temporada 2009/2010 tuvo xugando como titular la mayoría de los partíos apostaos,lleva un total de cinco goles y ta apurriendo velocidá y pegada al llegar a portería al equipu raxón].

Intereses

Nel Atléticu xugaba col dosal nº 19 por cuenta de que nació nun 19 de xunu.

Selección Nacional

En 2005, foi convocáu pola selección española sub-19 pal Pre-Européu celebráu en Badayoz, debutando nun alcuentru internacional ante Israel el 12 d'abril de 2005 (ganó España por 3 goles a 0). Entró al campu nel minutu 50 y completó un bon alcuentru. Nesti partíu dio la circunstancia de coincidir nel terrén de juego dos xugadores del Hércules CF, Miguel y el so gran amigu Sisi, ente que curiosamente nun había nengunu del Real Madrid nin del FC Barcelona. Dos díes más tarde, volvió xugar contra la Selección Portuguesa, nun alcuentru qu'acabó con victoria española por 2 goles a 0. Salió na segunda metá, sustituyendo al so compañeru d'equipu Sisi.