Cálculu de la fecha de Pascua

El Computus ye'l cálculu de la fecha de Pascua. A entamos del sieglu IV había na cristiandá un gran tracamundiu sobro cuándo había de celebrase la Pascua cristiana o de Pascua de Resurrección, con motivu del aniversariu de la resurrección de Xesús de Nazaré. Surdieren naquel momentu numberoses enclinos o grupos de prauticantes qu'utilizaben cálculos propios.

Dionisiu l'Exiguu inventó l'era Anno Domini pa calcular la fecha de Pascua.

Tabla atopada en Suecia coles feches de les Pascues del años 1140 al 1671 emplegando'l calendariu xulianu, escrites en rúnicu.

Antecedentes

Yá nel Conciliu d'Arlés (nel añu 314), obligóse a tola Cristiandá a cellebrar la Pascua'l mesmu día, y que esta fecha habría de ser afitada pol papa, qu'unviaría epístoles a toles ilesies del orbe coles instrucciones necesaries. Sicasí, non toles congregaciones siguieron estos preceptos.

Conciliu de Nicea

Ye nel Conciliu de Nicea (nel añu 325) onde se llega finalmente a una solución pa esti asuntu.

Nél establecióse que la Pascua de Resurrección había de ser celebrada cumpliendo unes determinaes normes:

• Que la Pascua cellebrárase en domingu.

• Que nun coincidiera nunca cola Pascua xudía, que se cellebraba independientemente del día de la selmana. (D'esta miente evitaríense paralelismos o tracamundios ente dambes relixones).

• Que los cristianos nun cellebraren nunca la Pascua dos vegaes nel mesmu añu. Esto tien la so esplicación porque l'añu nueu entamaba nel equinociu primaveral, polo que se prohibía la cellebración de la Pascua enantes del equinociu real (enantes de la entrada del Sol n'Aries).

Sicasí, siguió habiendo diferencies ente la Ilesia de Roma y la Ilesia d'Alexandría, magar el Concilio de Nicea dio la razón a los alexandrinos, estableciéndose el costume de que la fecha de la Pascua calculábase n'Alexandría, que lo comunicaba a Roma, la cual espublizaba'l cálculu al restu de la cristiandá.

Pese a esti alcuerdu formal, les discrepancies siguieron por razones astronómiques. La Ilesia romana consideraba qu'el equinociu de primavera yera'l 18 de marzu y pa calcular la edá de la Lluna (epacta) utilizaben un ciclu de 84 años. Los alexandrinos pal cálculu de la edá de la Lluna usaben el famosu ciclu metónico de 19 años. Estes diferencies, y otres menores, faíen que na Ilesia romana nunca cayera con posterioridá al 21 d'abril, ente que l'alexandrina podía aportar a el 25.

Exemplu

Pa comprobar la fórmula, calcularemos la fecha del domingu de Resurrección del añu 2007

A = 2007

M = 24

N = 5

a = resto de ${\frac {2007}{19}}$ = 12

b = resto de ${\frac {2007}{4}}$ = 3

c = resto de ${\frac {2007}{7}}$ = 5

d = resto de ${\frac {19*12+24}{30}}$ = 12

e = resto de ${\frac {2*3+4*5+6*12+5}{7}}$ = 5

Como "d" + "e" = 17 > 9, habremos d'emplegar la segunda de les fórmules (la correspondiente a abril), la cual da como resultáu 8. El domingu 8 d'abril de 2007 ye domingu de Resurrección.