Diferencies ente revisiones de «Partíu Comunista»

Un '''Partíu Comunista''' ye un [[partíu políticu]] que basa la so ideoloxía y prautiques polítiques na [[marxismu|teoría marxista]] en cualesquier de les sos modalidaes o escueles y la implementación d'una sociedá [[Comunismu|comunista]]. El partíu comunista, a diferencia de los partíos socialistes, socialdemócrates y llaboristes (que se crean na segunda metá del [[sieglu XIX]]), surde na primer metá del [[sieglu XX]] como resultáu de la [[I Guerra Mundial]] ([[1914]]-[[1921]]), la [[revolución bolxevique]] ([[1917]]) y, sobremanera, pola creación de la [[Internacional Comunista]]. Ye'l resultáu de la división de los partíos integrantes de la [[Segunda Internacional]] que s'oponen a la guerra, sofiten la [[revolución bolxevique]] y considérense revolucionarios y contrarios a les llamaes táutiques "revisionistes". Como crítica a la socialdemocracia y la so diversidá d'opiniones y facciones ta la idea de que'l partíu tien de ser una organización cohesionada y disciplinada, compuestu por revolucionarios qu'emponen el procesu políticu escontra'l socialismu.