El '''Presidente del Principáu de Asturies''', d'acordies l'[[Estatutu d'Autonomía d'Asturies]], preside'l [[Conseyu de Gobiernu del Principáu d'Asturies]], y dirix la so actividá, coordina la Alministración de la comunidá autónoma, noma y dixebra a los conseyeros y caltien la suprema representación del Principáu y la ordinaria del Estáu n'Asturies. Ye esbilláu pola [[Xunta Xeneral del Principáu d'Asturies]] d'ente los sos miembros y ye nomáu pol [[Rei d'España]].
La Xunta Xeneral escuéyelu por mayoría absoluta na primera convocatoria y por mayoría simple nes posteriores. Ente ca convocatoria tienen que trescurrir como mínimu cuarenta y ocho hores. Si pasaos dos meses dende la constitución de la Xunta Xeneral, nun foi esbilláu d'ente nengún candidatu, de magar entós ésta quedará disuelta procediéndose darréu a convocar nueves eleiciones