Aeetes

Esti artículu forma parte de la serie Mitoloxía Griega

Dioses

Divinidaes primordiales Dioses ctónicos Titanes Dioses olímpicos Divinidaes alegóriques Ninfas, Semidioses y Criatures

Elencos

Personaxes

Tamién

Xenealoxía Equivalencies cola Mitoloxía romana Xeografía

Na mitoloxía griega Aeetes (tamién Aestes ou Eetes), rei de la Cólquida, fíu d'Helios y de la ninfa Perseis. Con Hécate, dependiendo de las versiones, tuvo a Medea y a Circe.

Aeetes nel vellocín d'ouru

Ye ún de los personaxes principales de la hestoria de los argonautas y el vellocín d'ouru. La hestoria del vellocín emprincipia cuandu Ino, la segunda esposa d'Atamu, tarrecía a Fixu y Hele, fíos del primer matrimoniu del sou maríu. Pa desfacese d'eillos prendiéu fuéu sol suelu de los graneiros, de xeitu que'l granu torróuse y nun yera pa'l cultivu del añu viniente. Los campesiones esmolecíos por una gran fame, entrugorun al oráculu más averáu. Ésti, sobornáu por Ino, indicóu-ys que pa torgare la fame debían sacrificare a Fixo y a Hele. Pero xustu cuandu se disponían pa facelu, un cordeiru douráu unviáu por Nefele, la súa mái natural, rescatóulos y llevóulos polos aires. Helle entusiasmada pola sensación soltóuse de la piel del vellocín y cayóu pa la mar, nomada Helesponto nel sou honor. El cordeiru namái llevóu a Frixo pa la Cólquida, au recibíu-y el rei Aeetes que-y dióu a la súa fía Calcíope comu esposa. N'agradecimientu, Frixo sacrificóu'l cordeiru a los dieuses y entregóu'l sou vellocín d'ouru al rei, quien lu atou a un árbore sagráu.

Cuandu Yasón y los argonautas chegaron a la Cólquida y reclamorun el vellocín d'ouru, el rei Aeetes prometiéu-ys qu'entregaríalu namái si yeran pa facere ciertas xeras. D'entrada, Yasón tenía de xuncire dous gües qu'echaban fuéu pola boca y sucare con eillos un campu dedicáu a Ares. Una vegada sucáu debería semar eillí un diente del dragón que matóu Cadmu. Cuandu l'heroe fixo estu, ayudáu por una poción que-y fixo Medea pa torgar el fuéu, viéu comu del diente xurdía un exércitu de soldaos davezu armaos. Peru Medea alvirtíulu de lu que pasaría y díxolu que llanciando una piedra ente eillos los soldaos, que nun sabrían quien la tirara, lluitarían ente sí ta la muerte.

Dempues de terminare bien la preba, Aeetes ordenóu a Yasón que matara'l drgaón que xixilaba'l vellocín y qu'enxamás nun durmía. Medea consiguíu durmire al mostru con unas herbas especiales permitendo asina que Yasón coyera'l preciáu troféu y pudiera volvere pa la súa patria.

Cuandu Medea, perdidamente namorada de Yasón, fuxóu colos argonautas, Aeetes persiguíulos colas súas naves. Cuandu cavilgaba que los algamba viéu comu Medea mataba'l sou propiu hermanastru, Apsirtu, y arroxábalu, escacháu, el sou cuerpu a la mar. El cuitáu pai entetúvose recoyendo ún por ún los restos del sou fíu, lu que dióu ventaxa a los argonautas pa que pudieran escapare.

Cuandu los argonautas chegorun a Corcira detuviórunse pa celebrare'l feliz resultáu de la súa espedición. Aeetes unvióu emisarios ente'l rei de la islla pa solicitare que-y devolvieran a la súa fía. Peru Medea suplicara la proteición de la reina Arete, que nun dexóu durmire al sou maríu tola nueite cuntándo-y lu cruel que trataran los pais a las fías a lu llargu la hestoria. Asina, cuandu'l rei Alcinoos llevantóuse, nun s'axorizóu colos argumentos d'Aetes y dictaminóu qu'entregaría a Medea namái si ésta nun se xuniera a Yasón. Peru Arete alvirtiera yá a Medea del xuiciu que diba emitir el sou maríu, polu qu'ella tuvo tiempu d'improvisare un casamientu con Yasón y evitare asina regresare a la súa patria. Tampoucu quixorun volvere los emisarios de Cólquida, con llercia de la ira'l sou rei, y quedorunse na islla.

Cuanu Aeetes enteróuse, una añu más tarde, desixóu iracundu una compensación pola perda la súa fía. Peru denegorunla alegando qu'inda él nun pagara compensación pol raptu d'Io.

Años más tarde, Aeetes, perdiéu'l sou reinu a manos del sou propiu hermanu, Perses. Peru Medea con quien yá se reconciliara, fou na súa ayuda col sou fíu Medo, quien derrotóu a Perses y devolviéu'l tronu al sou güelu. Cuandu ésti morriéu nun combate naval nel Pontu Euxín, Medo xuníu'l sou reinu al de la Cólquida, creyando asina l'Imperiu Medu.

Outros Aeetes

Un segundu Aeetes, sobrín del enanteriore, yera un fíu de Circe que reinaba nas costas d'Italia nad dómina de la guerra de Troya y qu'abeyugóu a Ulises cuandu ésti apurríu-y pidiendu proteición.