Diferencies ente revisiones de «Estanislau Figueras i de Moragas»

 

Nacíu y criáu en Barcelona, llicencióse a los 21 años en [[derechu]] civil. En [[1840]] ingresó nel [[Partíu Progresista]], y cuatru años más tarde coló pa [[Tarragona]], ú entamó a trabayar como abogáu, una profesión na qu'algamaría una sonadía importante. Ellí participó destacadamente nos llevantamientos de [[1848]]: tuvo la suerte de nun acabar na cárcel, y darréu coló pa [[Madrid]]. Nesi tiempu entamaron los sos contactos colos círculos políticos republicanos de la capital, anque siguió formando parte del [[Partíu Progresista]]. Pero sólo hasta [[1849]]: nesi añu pasa a les files del [[Partíu Demócrata]], que nace n'abril d'esi añu como una escisión de los progresistes.

 

Siguió siendo diputáu nes eleiciones de los años [[1862]] y [[1865]] y, a resultes de les medides represives qu'adoptara [[Ramón María Narváez|Narváez]] escontra los implicaos na sublevación del cuartel de artillería de San Gil ([[22 de xunu]] de [[1866]]), tuvo de fuxir a [[Portugal]] en [[1867]] pa nun acabar na cárcel. Tres el trunfu de la [[Revolución de 1868]], que dio aniciu al periodu que se conoz como el [[Sexeniu Democráticu]], volvió pa [[España]] ya ingresó nel [[Partíu Republicanu Democráticu Federal]] que recién formara [[Francisco Pi y Margall|Pi y Margall]]. Nesi mesmu añu fundó'l periódicu ''La Igualdad'', d'ideariu republicanu federal. Gracies a elli y a la so intensa actividá política y parlamentaria convirtiose nel líder más nomáu de la minoría republicana del Congresu, igual nos discutinios que culminaron na proclamación de la [[Constitución de 1869]], qu'establecía la monarquía como forma de gobiernu n'España, que dempués de la xubida'l tronu del rei [[Amadéu I de Saboya|Amadéu I]].

 

El reináu d'Amadéu finó de sópitu cuando, fartucu de los problemes políticos del país (guerra en [[Cuba]], guerra carlista, intrigues de los republicanos y los monárquicos alfonsinos), abdicó el [[11 de febreru]] de [[1873]]. Al día siguiente les Cortes, que se constituyeran n'Asamblea Nacional, decidieron por mayoría que la forma de gobiernu diba ser, pa en delantre, la republicana. Nacía, así, la [[Primera República Española]]. Nesa mesma sesión decidiose la composición del primer gobiernu del nuevu réxime, y nella foi nombráu Figueras presidente del poder executivu. Esi, qu'incluyía les funciones de xefe del Estáu y del Gobiernu, foi el cargu que recibió: nun foi, porque nun llegaría inxamás a promulgase la constitución qu'estableciera esa figura, presidente de la república, como suel dicise davezu.

 

Esti, tras pasar dellos meses en [[Francia]], volvió pa España pa intentar xuntar los distintos grupos republicanos... anque sólo llegó a tiempu de ver cómo cayía la República, el [[29 d'avientu]] de [[1874]], col golpe d'Estáu del xeneral [[Arsenio Martínez Campos|Martínez Campos]]. Nos años de la Restauración menguó muncho la so activídá política, anque en 1880 funda, d'acordies con [[Manuel Ruíz Zorrilla|Ruíz Zorrilla]], esiliáu'n [[París]], el Partíu Republicanu Federal Orgánicu. Nun tuvo tiempu, por embargu, de velu espolletar, porque morrió, a los 63 años d'edá, en 1882.

 

<references/>

 

 

[[Categoría:I República d'España]]

 

[[de:Estanislao Figueras]]

[[en:Estanislao Figueras]]

[[fr:Estanislao Figueras y Moragas]]

[[gl:Estanislao Figueras]]