Diferencies ente revisiones de «Soria»

Mientres el [[sieglu XI]] convirtióse nun importante enclave estratéxicu pola so situación xuntu al [[Douru]] y marcó la llende ente los dominios cristianos y musulmanes na denominada «marca del Douru» o «llínea del Douru». A empiezos del sieglu XII, el rei [[Alfonso I'l Batallador]] conquistóla definitivamente a el musulmanes ([[Pueblu árabe|árabes]]) y repoblóla asitiando la frontera más al sur; asina queda reflexáu na lleenda "Cabeza de Estremadura" nel [[escudu de Soria]], lema impuestu pola denominación que se-y axudicaba a les tierres reconquistaes a los moros polos reis cristianos. Sicasí, Soria siguió siendo un enclave estratéxicu por cuenta de les lluches pol territoriu ente los reinos de Castiella y Lleón (a que la so tutela pasó en [[1134]]), Navarra y Aragón.

 

 

[[Alfonso VIII]] caltuvo la independencia del [[Reinu de Castiella]] gracies a l'ayuda emprestada polos sorianos y, n'agradecimientu, otorgó a la ciudá una serie de privilexos. En [[1195]], [[Sancho VII de Navarra|Sancho'l Fuerte]] tomó la ciudá y a empiezos del [[sieglu XIII]] conoció unu de los sos períodos más florecientes gracies a la so situación fronteriza. El comerciu, en manos de los [[xudíos]], fixo de Soria una ciudá importante. Los xudíos ampliaron la [[aljama]], asitiada nes llendes del castiellu, y dieron parte de la so riqueza a la ciudá. Según Martel «nel castiellu de Soria, dientro del muriu principal, hai un cuerpu espaciosu nel cual d'antiguo hubo trescientes cases y un templu, que güei dura, anque arruináu. Munches d'estes cases dicen que yeren de xudíos, y aquella población, cola qu'había per fuera, llamábase alhama». En [[1266]] foi elevada Soria de la categoría de villa a la de ciudá na bulda de [[Clemente IV]].