Radiación infrarroxo

La radiación infrabermeya, radiación térmico o radiación IB ye un tipu de radiación electromagnéticu de mayor llargor d'onda que la lluz visible, poro menor que la de les microondes. Consecuentemente, tien menor frecuencia que la lluz visible y mayor que les microondes. El so rangu de llargores d'onda va dende unos 0,7 fasta los 100 micrómetros. La radiación infrabermeya ye emitida por cualesquier cuerpu que la so temperatura sía mayor que 0 Kelvin, esto ye, −273,15 graos Celsius (cero absolutu).

Carauterístiques de la radiación infrabermeyo

El nome d'infrabermeyu quier dicir per debaxo del colloráu pos el so entamu atópase axacente al color coloráu del espectru visible.

Los infrabermeyos puense categorizar en:

  *infrabermeyu cercanu (0,78-1,1 µm).
  *infrabermeyu mediu (1,1-15 µm).
  *infrabermeyu llonxanu (15-100 µm).

La materia, pola so caracterización enerxética emite radiación. Polo xeneral, el llargor d'onda onde un cuerpu emite'l máximu de radiación ye inversamente proporcional a la temperatura d'ésti (Llei de Wien). D'esta miente la mayoría de los oxetos a temperatures cotidianes tienen el so máximu d'emisión nel infrabermeyu. Los seres vivos, cuantimás los mamíferos, emiten una gran proporción de radiación na parte del espectru infrabermeyu, por cuenta del so calor corporal.

La potencia emitida en forma de calor por un cuerpu humanu, por casu, pue llograse fácilmente a partir de la superficie de la so piel (unos 2 metros cuadraos) y la so temperatura corporal (unos 37ºC, ye dicir 310ºK), per mediu de la Llei de Stefan-Boltzmann, y resulta ser d'alredor de 1000 vatios.

Esto ta íntimamente rellacionáu cola llamada "sensación térmica", según la cual podemos sintir fríu o calor independientemente de la temperatura ambiental, en función de la radiación que recibimos (por casu del sol o otros cuerpos calientes mas cercanos): Si recibimos mas de los 1000 vatios qu'emitimos, vamos tener calor, y si recibimos menos, vamos tener fríu. En dambos casos la temperatura del nuesu cuerpu ye constante (37ºC) y la del aire que nos arrodia tamién. La sensación térmica, por tanto, solo tien que ver cola cantidá de radiación (polo xeneral infrabermeya) que recibimos y el so balance cola qu'emitimos costantemente como cuerpos calientes que somos.

Hestoria

Los infrabermeyos foron afayaos en 1800 por William Herschel, un astrónomu inglés d'orixe alemán. Herschel asitió un termómetru de mercuriu nel espectru llográu por un prisma de cristal col fin de midir el calor emitíu per cada color. Afayó que'l calor yera más fuerte al llau del colloráu del espectru y reparó qu'ellí nun hebía lluz. Esta ye la primer esperiencia qu'amuesa que'l calor pue tresmitise por una forma invisible de lluz. Herschel nomó a esta radiación "rayos calóricos", denominación bastante popular a lo llargo del sieglu XIX que, finalmente, foi dando pasu al más modernu de radiación infrabermeyu.

Los primeros detectores de radiación infrabermeyu yeren bolómetros, preseos que capten la radiación pol aumentu de temperatura producíu nun detector absorbente.