Diferencies ente revisiones de «Daimyo»

Los daimyo, masque con della autonomía, taben asina y too suxetos a delles regles particulares, la mayor parte codificaes nel Buke Shohatto, y teníen que siguir la llei de les cases guerreres (武家, ''buke''). Ente otres obligaciones, teníen la de caltener una residencia na corte d’[[Tokiu|Edo]], vivir nella ún de cada dos años (o seis meses por añu) y cuando colaben pal ''han'' (feudu o señoríu) dexar como rehenes a la so familia y vasallos. Esti sistema yera’l “sankin kotai” ("presencia alterna"). El viaxe del daimyo a Edo pa rindir homenax al ''shogun'' llamábase ''daimyō gyōretsu'' (大名行列), esto ye la “procesión de los señores”. Esto facíase al envís d’agrandar el control políticu y fiscal qu’Edo exercía sobre los daimyo.

 

 

Trestornaos por estos controles, y davezu en mala situación económica por aciu de coses como’l ''sankin kotai,'' el sofitu forciáu de los trabayos públicos y los gastos estravagantes, munchos daimyo rebalbiaron contra’l shogunáu Tokugawa na Restauración Meiji. Al añu siguiente de la restauración, en 1869, los daimyo alliniaos col nuevu réxime, xunto colos ''kuge,'' (cortesanos del emperador), formaron una nueva aristocracia xaponesa, los ''kazoku.'' Dellos daimyo foron nomaos gobernadores de les sos provincies (daquella llamaes 藩, ''han''), pero en 1871 toles ''han'' foron desaniciaes y el territoriu del Xapón dividióse en prefeutures (県, ''ken''). Los antiguos daimyo convertiéronse entós en pensionistes del gobiernu, obligaos a vivir en [[Tokiu]].