Reis Católicos

Reis Católicos ye'l títulu que'l Papa Alexandro VI dió a Fernando d'Aragón y a Isabel I de Castiella, pa compensalos porque enantes diera'l títulu de Rei Cristianísimu al rei de Francia.

Rendición de Granada a los Reis Católicos

Demientres el reináu de los Reis Católicos foi'l pasu de la Edá Media a la Edá Moderna. Col su enllace produzse la xuntanza nuna mesma dinastía (los Trastámara) de los Reinos de Castiella y d'Aragón, anque funcionaben como dos estao independientes y sólo funcionaben como una entidá en asuntos puntuales de política esterior. Pa los nacionalistes españoles, el matrimoniu de los reis Católicos correspuende al ñacimientu d'España.

Los Reis entamaron polítiques fuertes frente a les apetencies de poder de eclesiásticos y nobles, y estendieron la Inquisición (que ya funcionaba en Cataluña dende 1248) a Castiella primeru (1478) y pocu dempués n'Aragón.

Durante el so reináu Castilla conquistó Granada, Navarra, Canaries y algunes places nel norte d'África. Tamién llegaron a América al subencionar a Cristobal Colón pa que topara una ruta alternativa cola India.