Les centrales eléctriques propiedá de HC Enerxía qu'utilicen combustibles fósiles como fonte d'enerxía principal son les vinientes:
*Central térmica de Soto de Ribera: Allugada na marxe esquierda del Ríu Nalón, nesna inmediacionescontorna de la confluencia d'ésti col Ríu Caudal, nel términu municipal de La Ribera. Llegó a cuntar con 3 unidaes xeneradores, puestes en funcionamientu nel 1966, 1967 y 1984, con potencies de 67, 257 y 360 MW respectivamente. El Ministeriu d'Industria aprobó, en payares de 2007, el zarru del Grupu I dempués de funcionar 191.130 hores nes sos más de cuarenta años d'esistencia. En septiembre de 2008, entró en funcionamientu un nuevu grupu (Soto 4) de ciclu combináu, de 418 MW, siendo'l primeru d'estes caractérísticas que s'instala nel Principáu d'Asturies.
*Central térmica d'Aboño: Asitiada nesna inmediacionescontorna de la Ría d'Aboño, nel pueblu homónimo, perteeciente al conceyu de Carreño anque bien próximu a Xixón. Tien dos unidaes xeneradores puestes en serviciu nel 1974 y 1985, con potencies de 366 y 560 MW respectivamente.
*Central de ciclu combináu de Castejón: Allugada nel términu municipal de Castejón, Navarra. Entró en funcionamientu nel 2002 con una potencia instalada de 390 MW. HC comparte la titularidá con otres empreses del sector.
