Arcu iris de borrina

Un arcu iris de borrina ye paecíu a un arcu la vieya, pero debíu al tamañu diminutu de les gotes d'agua que causen la borrina, menores de 0,05 mm, los arcos iris de borrina tienen colores bien débiles, un cantu esterior colloráu y un interior azuláu. En dellos casos cuando les gotitas son bien pequenes paez blancu. Un arcu iris de borrina puede vese en nubes, típicamente dende un avión mirando hacia baxo y entós llámase "arcu iris de nube".
Cuando les gotes que lu formen tienen toes casi'l mesmu tamañu l'arcu iris de borrina puede tener múltiples aníos internos, supernumerarios, que tán bien fuertemente coloriaos más que l'arcu iris principal. La falta de colores del arcu iris de borrina ye la resultancia de les más pequenes gotes d'agua... tan pequenes que la llargor d'onda de la lluz faise importante. La difraición aborrona los colores que se crearíen con gotes d'agua de arcu iris más grandes.

Arcu iris de borrina de 360 graos.

Un arcu iris de borrina, gloria solar y espectru de Brocken observaos en San Francisco.

Direición

Un arcu iris de borrina puede vese na mesma direición qu'un arcu la vieya, asina'l sol taría detrás de la cabeza del observador y la direición de la vista taría escontra un bancu de borrina (que puede nun estremase en direiciones alloñaes del arcu iris en sí). La so radio esterior ye llixeramente menor qu'el d'un arcu la vieya.

Cuando un arcu iris apaez de nueche llámase-y arcu iris de borrina llunar.

Ver tamién

• Arcu la vieya
• Arcu iris llunar