Xuan III de Bretaña

Xuan III de Bretaña, llamáu el Bonu (en bretón: Yann III; en francés: Jean III) (8 de marzu de 1286 - 30 d’abril de 1341) foi Duque de Bretaña dende 1312 hasta la so muerte. Yera fíu d’Arturu II y María de Limoges, la so primer esposa.

En 1297 casó con Isabel de Valois, fía mayor de Carlos de Valois. Los sos guelos maternos yeren Carlos II de Nápoles y Sicilia y María Árpád d’Hungría. La so esposa falleció en 1309 sin da-y descendencia. En 1310 casó en segundes nupcies con Isabel de Castiella y de Molina, fía de Sanchu IV de Castiella y María de Molina. Isabel tamién falleció sin tener fios en 1328, colo que Xuan III volvió a casar en 1329, esta vegada con Xuana de Saboya, fía única d’Eduardu de Saboya y de Blanca de Borgoña, hermana de la fallecida reina de Francia, Margarita de Borgoña.

Falleció en 1341 sin dexar socesor, lo que provocará la denominada Guerra de Sucesión Bretona.