Diferencies ente revisiones de «Jules Verne»

1175 bytes amestaos ,  hai 6 años
ensin resume d'edición
En [[1884]], Jules Verne decide facer un gran cruceru pel [[Mar Mediterraneu|Mediterraneu]]. El ''Saint-Michel III'' dexa Nantes el 13 de mayu. A bordu atópense Paul Verne, Robert Godefroy, Michel Verne y Louis-Jules Hetzel. Cuenta atopar a la so muyer, de visita en casa de la so fía Valentine y del so xenru, n'[[Arxelia]]. El barcu llega a [[Vigo]] el 18, a [[Lisboa]] el 23. Verne pasa per [[Gibraltar]] el 25 de mayu. A la so llegada a [[Orán]], atópase con Honorine y ye recibíu pola sociedá xeográfica de la ciudá. Los periódicos dediquen-y numberosos artículos. El 10 de xunu, llega a [[Annaba|Bône]] onde'l ''bey'' de [[Túnez]] pon a la so disposición un vagón especial. Tornando al so barcu, sufre una tempestá cerca de [[Malta]], visita [[Sicilia]], [[Siracusa]], depués [[Napoles]] y [[Pompeya]]. N'[[Anzio]], el grupu garra'l tren pa [[Roma]]. El 7 de xunetu, Verne ye recibíu n'audiencia privada pol [[Papa Lleón XIII]]. Curiosamente,el día siguiente, visita la lóxa masónica de la ciudá<ref>Piero Gondolo della Riva, « Jules Verne, franc-maçon ? », ''Bulletin de la Société Jules Verne'', númberu 171, 2009.</ref>. Mas sero reúnese con [[Louis-Salvador de Habsbourg-Lorraine]], col qu'establez una relación epistolar que durará hasta la muerte del escritor. Dos meses depués de zarpar el barcu, Verne ta de vuelta n'Amiens<ref>Joëlle Dusseau, ''Jules Verne'', Perrin, 2005.</ref>.
 
=== Últimos años ===
[[Imaxe:Jules Verne in 1892.jpg|thumb|Jules Verne en 1892.]]
 
[[1886]] ye un añu crucial na vida de Jules Verne. El 15 de febreru, decídese a vender el ''Saint-Michel III''. La conservación del barcu tórnase cara y el so fíu endéudase y cuesta-y caro<ref>''Voyage à travers Jules Verne'', páxina176.</ref>. Cédelu a mitá de preciu aMartial Noë. El 9 de marzu, volviendo a casa del « Cercle de l'Union », atópa al so sobrín Gaston armáu con un revolver. Dispara sobre l'escritor que ye feríu nuna pierna. Gaston ye sospechosu de llocura. So padre, Paul Verne, declarará que'l so fíu disparó sobre Jules Verne pa llamar l'atención sobre él col fin de facelu entrar na ''Académie française''. Gaston Verne será ingresáu nun manicomiu hasta la so muerte'l [[13 de febreru]] de [[1938]]<ref>Norbert Percereau, « Le destin de Gaston Verne », ''Bulletin de la Société Jules Verne'', númberu 155, páxines 4–53, 2005.</ref>. Robert Godefroy envía un telegrama a la casa Hetzel, pero Louis-Jules Hetzel ta en [[Mónaco]], al cuidao de so padre que muerre'l 17 marzu. La ferida de Jules Verne dexará-y una coxera definitiva.
 
== Obres ==