Diferencies ente revisiones de «Conquista cristiana de la Península Ibérica»

El términu ''Reconquista'' ye'l que más s'usó pa referise al procesu d'estensión a los dominios de [[Reinu de Castiella|Castiella]] y otros reinos cristianos peninsulares escontra'l sur, pero ye un términu mediatizáu ideolóxicamente, darréu qu'alude al deséu de recuperación d'una ''integridá nacional'', nuna dómina na que nun esistía nin la idea d'España como [[nación]], nin siquiera la propia idea de ''nación''. El sentíu propiu del procesu nun yera más que'l de recuperación de los territorios baxu dominiu [[Islam|musulmán]] pa la [[Cristianismu|cristiandá]], lo mesmo que se falaba de ''Reconquista'' nel casu de les [[Cruzaes]].

 

 

Según dellos académicos<ref>Abilio Barberu y Marcelo Vigil son los historiadores qu'acuñaron esta teoría</ref>, el términu ye históricamente inesautu, darréu que los reinos cristianos que «reconquistaron» el territoriu peninsular constituyéronse con posterioridá a la invasión [[islam|islámica]], a pesar de los intentos de delles d'estes [[Monarquía|monarquíes]] por presentase como herederes direutes del antiguu [[Hispania visigoda|reinu visigodu]]. Trataríase más bien d'un enfotu de llexitimación política d'estos reinos, que considerábense herederos y descendientes reales de los [[visigodu|visigodos]], y tamién l'intentu de los reinos cristianos (especialmente [[Castiella]]) de xustificar les sos conquistes, al considerase herederos de sangre de los [[godu|godos]].

 

Sicasí, al-Andalus ye tan heredero de la Hispania visigoda como Asturies: los cabezaleros árabes, acompañaos de mercenarios bereberes, nun traíen nenguna civilización ñueva, porque l'islam (ensin cuntar la llingua árabe y la relixón, que sí que vienen d'Arabia) nun esistía tovía; igual que Roma como la coñocemos nun esiste dafechu fasta'll sieglu I, l'islam fórmase adulces dende'l sieglu VII fasta'l XI, como una evolución de les distintes cultures qu'había: la grecorromana nel Mediterráneu Oriental, la romana nel occidental, y la persa n'Irán-Iraq. D'esta miente, al-Andalus sedría una Hispania Romano-Visigoda evolucionando, tresformada pola influencia oriental (sobre too la d'Iran ya Iraq) y poles mesmes creaciones surdíes dientro d'al-Andalus. Aparte, Asturies, que yera una rexón perprimitiva, ye heredera "menor" de la Hispania Romano-Visigoda, pero non como al-Andalus, porque les sos principales influencies según avancen los sieglos vendríen de Francia, Italia y un pocu d'al-Andalus. Asina ye que, xunto con "reconquista", puen utilizase los términos "guerres relixoses" o "conquista cristiana".

 

== Referencies ==