Diferencies ente revisiones de «Gaspar Melchor de Xovellanos»

En 1778 algamó'l treslláu a la [[Sala d'Alcaldes de Casa y Corte]] en Madrid, en parte gracies a la influyencia del [[ducáu d'Alba|duque d'Alba]], a quien conociera en Sevilla. En Madrid entró na tertulia de [[conde de Campumanes|Campumanes]], a la sazón fiscal del [[Conseyu de Castiella]], quien-y encomienda distintos trabayos que-y satisfacen especialmente, reconociendo en Xovellanos un home d'amplia formación y reconocida solvencia nel terrén económicu. En 1780 accede al [[Conseyu d'Órdenes Militares]]. En 1782 formó parte de la comisión que punxo en marcha'l [[Bancu de San Carlos]]. Foi miembru de la xunta de comerciu de la [[Sociedá Económica Matritense]] y, dende avientu de 1784, el so direutor. Redauta dellos estudios sobro la economía d'España, ente los que tien especial valir ''Informe sobre la Ley Agraria'' na qu'apuesta pola lliberalización del suelu, recoyendo'l pensamientypensamientu lliberal, norma so la que'l [[Conseyu de Castiella]] punxera les sos esperances pa reformar y modernizar l'agru peninsular.