Diferencies ente revisiones de «Beixín»

[[Archivu:Beijing in China (+all claims hatched).svg|right|thumb|200px|Llocalización de Pequín dientro'l país]]

'''Pequín''', treslliteráu y conocida internacionalemnte como '''Beijing''' (en [[chinu]] 北京; en [[pinyin]] Běijīng, [peɪ˨˩ t͡ɕiŋ˥], la ''Capital del Norte'') ye la capital de la [[República Popular China]] y una de les mayores ciudaes del mundu. La so población, en [[2012]], yera de 20.693.000 habitantes. La metrópoli, allugada nel norte de China, tien l'estatus alministrativu de municipalidá, con control directu pol gobiernu nacional, y ta sodividida en catorce distritos urbanos y suburbanos y dos condaos rurales. La ciudá ta incrustada na provincia de Hebei, magar que llenda pel sureste cola municipalidá de [[Tianjin]].

Pequín ye la segunda ciudá mayor del país, dempués de [[Shanghai]], y ye'l so centru políticu, cultural y educativu. Nella tienen la so sede la mayoría de les empreses de titularidá estatal, y ye un importante ñudu de comunicaciones per carretera y ferrocarril, convencional y d'alta velocidá. Amás, el so aeropuertu (''Beijing Capital International Airport'') ye'l segundu del mundu pol so volume de pasaxeros.

 

La historia la ciudá remóntase tres mil años, y lleva siendo, como la última de les cuatru grandes antigües capitales de China, el centru políticu del país el más del tiempu demientres los siete caberos sieglos. La ciudá ye famosa polos sos grandes palacios, templos, xardinos, tumbes, muries y puertes monumentales, y los tesoros artísticos que guarda y les sos universidaes faen d'ella el centru del arte y la cultura del país. Son perpoques les ciudaes del mundu que tienen sío el centru políticu y cultural d'una zona xeográfica tantu tiempu.

 

 

{{commons|Beijing|Pequín - Beijing}}