BBC

La British Broadcasting Corporation (Corporación Británica de Radiodifusión), más conocida como BBC, ye'l serviciu públicu de comunicación del Reinu Xuníu. Tien la so sede na Broadcasting House en Westminster, Londres. Ye'l mayor consorciu de comunicación del mundu con cerque de 23 000 emplegaos. Les sos funciones son les de retresmitir televisión y radio, en forma pública, nel Reinu Xuníu, la Islla de Man y les Islles Anglonormandes. Ye una entidá de derechu públicu y autónomu, establecida en 1922 por un Decretu Real que garantiza la so independencia del control comercial priváu y políticu.

Seea de Televisión de la BBC en Londres.

Nel Reinu Xuníu finánciase por aciu d'una llicencia de televisión que paga cada llar, compañía y organización onde haya cualquier equipamientu capaz de recibir y grabar les emisiones de radio y televisión. El preciu d'esta llicencia ye afitáu añalmente pol Gobiernu británicu y alcordáu nel Parlamentu. En 2010 el preciu por llar foi de £145.50.

Fora del Reinu Xuníu opera sol indicativu de BBC World Service y el so llabor ye la de retresmitir per radio y televisión tolos sos productos y más apocayá, tamién per internet. A pesar de compartir esctructures, especialmente'l serviciu de noticies, el World Service opera independientemente y tien un Director Executivu propiu. Finánciase principalmente por fondos públicos del Gobiernu británicu, independientemente del financiamientu proveniente de la llicencia de televisión.

La otra fonte de financiamientu de la Corporación ye por aciu les sos filiales comerciales, BBC Worldwide Ltd. (vienta de programes y formatos, publicación de revistes y llibros) y pol arriendu de los sos estudios de televisión, propiedá de la filial BBC Studios and Post Production Ltd. (enantes BBC Resources Ltd.).

Servicios

Radio

Oficines de BBC Yorkshire en Leeds.

	Radio 1: serviciu radiofónico pa tolos países del Reinu Xuníu. Temáticamente dedicada a la música actual y xuvenil. Ta dirixida especialmente a mozos d'ente 16-24 años.
	Radio 1Xtra: radio dixital
	Radio 2: ye la radio con más oyentes del Reinu Xuníu con una audiencia d'aprosimao 12,6 millones d'oyentes cada selmana. Emite conteníos xeneralistes.
	Radio 3: ye una radio especializada n'arte, drama, música clásica y jazz.
	Radio 4: serviciu a tolos países del Reinu Xuníu. Les sos tresmisiones son de voz. Trata temes d'actualidá, ciencia, hestoria, comedia y drama.
	Radio 4 Extra: radio dixital; Comedia y Drama.
	Radio 5 Live: Noticies, deportes y alderiques les 24 hores.
	Radio 5 Live Sports Extra: radio dixital; retresmisión d'acontecimientos deportivos en direutu.
	Radio 6 Music: radio dixital; xéneros musicales minoritarios.
	Asian Network: radio dixital; charres, música y noticies en llingües asiátiques.

BBC Local Radio,

La BBC Loal Radio ta formada por 40 emisores locales d'Inglaterra que producen entretenimientu, noticies y música dientro de la so área local d'emisión.

El mandatu de cada estación de radio local ye'l mesmu: ufiertar un serviciu principalmente faláu qu'incluya noticies y música. Diríxese a una audiencia de mayores de 50 años. Cada estación produz la mayor parte de los sos propios programes, sicasí dalguna de la programación fora de les hores de mayor audiencia prodúzse de forma rexonal y emítese en cadena: dalgunes tienen tresmisión simultánea con otres rexones vecines y toles estaciones tan en tresmisión simultánea BBC Radio 5 mientres la nueche.

Les 40 emisores locales ordenaes por rexón son les siguientes:.

Este

• BBC Essex
• BBC Radio Cambridgeshire
• BBC Radio Norfolk
• BBC Radio Northampton
• BBC Radio Suffolk
• BBC Three Counties Radio

Rexón central (Midlands) Este

• BBC Radio Derby
• BBC Radio Leicester
• BBC Radio Nottingham

Londres

• BBC London 94.9

Nordeste y Cumbria

• BBC Newcastle
• BBC Radio Cumbria
• BBC Tees

Noroeste

• BBC Radio Lancashire
• BBC Radio Manchester
• BBC Radio Merseyside

Sur

• BBC Radio Berkshire
• BBC Radio Oxford
• BBC Radio Solent

Sureste

• BBC Radio Kent
• BBC Surrey
• BBC Sussex

Suroeste

• BBC Guernsey
• BBC Radio Cornwall
• BBC Radio Devon
• BBC Radio Jersey

Oeste

• BBC Radio Bristol
• BBC Radio Gloucestershire
• BBC Somerset
• BBC Wiltshire

Rexón central (Midlands) Oeste

• BBC WM
• BBC Coventry & Warwickshire
• BBC Hereford and Worcester
• BBC Radio Shropshire
• BBC Radio Stoke

Yorkshire

• BBC Radio Leeds
• BBC Radio Sheffield
• BBC Radio York

Yorkshire & Lincolnshire

• BBC Radio Humberside
• BBC Lincolnshire

Servicios nacionales a los otros países del Reinu Xuníu

Escocia: BBC Radio Scotland y BBC Radio nan Gaidheal (en gaélicu); 
Gales BBC Radio Wales (n'inglés) y BBC Radio Cymru (en galés); 
Irlanda del Norte BBC Raidió Uladh y BBC Raidió Feabhail (n'irlandés).
Serviciu Mundial de la BBC dedicada tresmisiones al esterior n'inglés, bengalí, portugués, español, idioma persa, rusu y ucranianu.
Serviciu de Monitores de la BBC (BBC Monitoring Service), con sede en Reading, Caversham Park, ye un serviciu encargáu de noticies internacionales. Amás, realiza un siguimientu a medios, principalmente radiofónicos, de tol mundu. Creáu mientres la Segunda Guerra Mundial como ayuda a la propaganda británica y pa escuches d'emisiones d'otros países, tuvo un desempeñu importante mientres la Guerra Fría.

Televisión

Cadenes d'emisión analóxica y dixital

BBC One (o BBC1) ye la televisión más antigua del mundu. Ye la primer canal de la British Broadcasting Corporation. La emisión de televisión de la BBC entamó'l 2 de payares de 1936, anque la BBC tuviera asoleyando distintos formatos esperimentales dende 1929. La BBC One tuvo un completu monopoliu nel ámbitu de televisión nel Reinu Xuníu hasta qu'entamó les sos emisiones la primer cadena comercial ITV en 1955. BBC One ye una de les canales principales de televisión nel Reinu Xuníu con un share en xunu de 2006 del 24,9%. Emite conteníos d'actualidá, comedia, drama, concursos, programes pa neños, programes sobre arte y dellos programes educativos y relixosos. Amás, emite desconexones territoriales pa cada unu de los territorios que componen el Reinu Xuníu. BBC One Irlanda del Norte puede siguise dende la práctica totalidá de la isla d'Irlanda y, poro, na República d'Irlanda, onde BBC One ye una de les canales más siguíes. Nun emite publicidá.
BBC Two (o BBC2) ye la segunda cadena de televisión de BBC. BBC2 foi la primer canal de televisión d'Europa n'emitir imaxes en color (a partir de 1967). Tien una programación alternativa a la de BBC One, infantil -pela mañana-, acontecimientos deportivos, series y concursos. Al igual que BBC One, BBC Two nun amuesa'l so logotipu corporativu mientres les sos emisiones y tampoco emite publicidá de nengún tipu en nengún momentu.

Cadenes d'emisión dixital

BBC Three ye una canal británica de televisión de la BBC que namás ta disponible vía cable, TDT y satélite. La BBC Three inaguruó les emisiones el 9 de febreru de 2003, once meses más tarde de la fecha de llanzamientu prevista. El retrasu foi debíu al alderique sobre'l so formatu. La canal ye descrita pola BBC como una salida pal Nuevu drama, el nuevu talentu, la comedia británica, les películes y les noticies accesibles. Les sos emisiones empiecen diariamente a les siete de la tarde. Empobinada a un públicu nuevu y urbanu de clase trabayadora, ufierta dibuxos animaos p'adultos, como 'Padre de familia', programes de coches, deportivos, de cocina, cine, series y un informativu humorísticu presentáu por Russell Howard.
BBC Four ye una canal de televisión de la BBC que namás ta disponible vía TDT, satélite y cable pa espectadores nel Reinu Xuníu. BBC Four empezó'l 2 de marzu de 2002. La canal emite un amiestu d'arte y documentales de ciencia, drama (incluyendo munchos programes en blancu y negru), y producciones de llingua non inglesa como películes. Les sos emisiones empiecen diariamente a los siete de la tarde. Ta dirixida a un públicu d'altu nivel cultural.
BBC HD Canal dixital en HD qu'entamó les sos emisiones el 1 d'avientu de 2007. Primeramente la so emisión yera de nueve hores diaries, dende les 15:00 hasta les 0:00 hores; dende'l 3 de payares de 2010 la so emisión pasó a ser de doce hores diaries. Emite programes de toles cadenes de televisión de la BBC en formatu HD verdaderu de 1080i, ensin reescaláu d'imaxe, con especial énfasis n'eventos deportivos y musicales.
BBC One HD Simulcast en HD de BBC One, llanzáu'l 3 de payares de 2010. Emite los programes estrella de BBC One en formatu HD verdaderu de 1080i.
BBC News Canal de televisión de noticies 24 hores nel Reinu Xuníu. Nació'l 9 de payares de 1997 a les 17:30 hores. De primeres namás los abonaos a la televisión por cable podíen vela. En 1998, cola meyora de la televisión dixital nel Reinu Xuníu, llegó a la televisión dixital terrestre y per satélite. Ye la emisora hermana de BBC World News, la canal de noticies internacional de la BBC.
BBC Parliament Canal dedicada a la retresmisión en directu de les sesiones del Parlamentu británicu, el Parlamentu Escocés, l'Asamblea Nacional de Gales, y l'Asamblea d'Irlanda del Norte.
CBBC Channel Canal empobinada a moces a partir de 6 años. Entamó les sos emisiones el 11 de febreru de 2002. Emite de les 6:00 hasta les 19:00, cuando la so emisión ye sustituyida por BBC Three.
CBeebies Canal empobinada a neños menores de 6 años. Llanzáu'l 11 de febreru de 2002, emite a partir de les 6:00 hasta 19:00, cuando la so emisión ye sustituyida por BBC Four.

Otres canales públiques con participación de la BBC

BBC Alba Canal en gaélicu escocés participáu pola sociedá MG Alba y la BBC. Llanzáu a les 21:00 hores el 19 de setiembre de 2008. Emite siete hores al día.
S4C La canal Sianel Pedwar Cymru, Canal 4 Gales entamó les sos emisiones en 1982. Emite íntegramente en galés. La Corporación BBC nun participa na so xestión, pero sí contribúi cola programación qu'enantes emitía la variante rexonal de BBC Two.

Canal internacional de noticies

BBC World News Llanzáu'l 11 de marzu de 1991 como BBC World Service Television. En 1994, foi renombráu como BBC World y en 2008 como BBC World News, el so nome oficial actual. La so programación ye de 24 hores de noticies, y nun ta disponible dientro del Reinu Xuníu (onde emite la emisora hermana BBC News).

Enllaces esternos

• Wikimedia Commons acueye conteníu multimedia sobre BBC.
• BBC Online (n'inglés)
• Llistáu de canales de la BBC (n'inglés)
• BBCMundo.com Serviciu de Noticies n'español
• BBCMundo.com - versión móvil