Whitesnake

Whitesnake ye una banda británica de hard rock fundada nel añu 1978 pol vocalista David Coverdale, tres la so separación de Deep Purple, banda de la cual formó parte como vocalista dende 1973 hasta 1976.

Hestoria

Nos sos primeros años, la so música taba esencialmente empobinada escontra'l hard rock clásicu de los años 70, con abondosa influencia del blues, similar a los yá mentaos Deep Purple o Led Zeppelin, con músicos como Bernie Marsden, Neil Murray o los antiguos compañeros de Coverdale en Deep Purple: Ian Paice y Jon Lord, ente otros.

A mediaos de la década del 80 apréciase un cambéu notable nel so estilu musical, en momentos en que la banda redefinió la so carrera, amás de camudar casi por completu l'alliniación, entornándose a un rock duru con reminiscencies del "glam metal" estaunidense (incluyendo a músicos como Adrian Vandenberg, Rudy Sarzo, John Sykes o'l virtuosu Steve Vai), estilu musical que Coverdale caltuvo a lo llargo de los años 90 y 2000, con distintes formaciones.

Nesa llínea más comercial el grupu vio amontada la so popularidá y espardimientu exponencialmente con cantares como "Is This Love", "Still of the Night" o una anovada versión de la so "Here I Go Again", los cualos convirtiéronse n'himnos pa la banda y grandes ésitos "FM" de la dómina.

Un aspeutu que caracterizó a Whitesnake mientres tola so hestoria foi la inconsistencia de les sos distintes formaciones a lo llargo de los años, arreyando a distintos músicos británicos y estaunidenses con David Coverdale, fundador del grupu, como líder y únicu miembru permanente.

Discografía

• Trouble (1978)
• Lovehunter (1979)
• Ready an' Willing (1980)
• Come an' Get It (1981)
• Saints & Sinners (1982)
• Slide It In (1984)
• Whitesnake (1987)
• Slip of the Tongue (1989)
• Restless Heart (1997)
• Good to Be Bad (2008)
• Forevermore (2011)

Enllaces esternos

• Wikimedia Commons acueye conteníu multimedia sobre Whitesnake .

Referencies

• Traducíu de Uiquipedia n'español